अंकिता भंडारी कु अंतिम संस्कार: काफी हो हल्ला का बाद आज देर श्याम अंकिता भंडारी कु अंतिम संस्कार करे गी. श्रीनगर का एनआईटी घाट पर अंकिता भंडारी कु अंतिम संस्कार करे गी. अंकिता का भै न मुखाग्नि दिनी. ये दौरान मौका पर भारी पुलिस बल तैनात रै. ये दौरान क्षेत्र का सैकड़ों लोग भी घाट पर मौजूद रैन. सबु न नम आंखों से अंकिता थै अंतिम विदाई दिनी.
श्रीनगर गढ़वाल मा सड़कूं पर लोग:अंकिता भंडारी हत्या मामला मा आज श्रीनगर गढ़वाल में सुबेर बटी ही लोखूं न प्रदर्शन करी. ये दौरान लोखूं अंकिता भंडारी हत्या मामला मा दोषियूं थै सख्त से सख्त सजा दैणै मांग करी. स्थानीय लोखूं न मोर्चरी कु घेराव करी. नाराज लोखूं न ये दौरान बदरीनाथ हाईवे भी जाम करी. हालातूं थै देखी मौका पर भारी पुलिस बल तैनात रै.
फास्ट ट्रैक कोर्ट मा होली अंकिता भंडारी हत्याकांडै सुणवै: उत्तराखंड मा अंकिता भंडारी हत्याकांड का बाद लोखूं मा भारी उबाल च. ये बीच सीएम धामी न अंकिता हत्याकांडै सुनवाई थै लेकी बयान दिनी. सीएम धामी न बोली ये मामलै सुणवै फास्ट ट्रैक कोर्ट मा होली. दगड़ा मा ही सीएम धामी न बोली पीड़ित परिवारै हर संभव मदद किये जाली. सीएम धामी न लोखूं से शांति की अपील करी
नानकमत्ता गुरुद्वारा साहिब पौंछिन सीएम धामी:मुख्यमंत्री मंत्री पुष्कर सिंह धामी आज खटीमा दौरा पर रैन. ये दौरान सीएम धामी न नानकमत्ता गुरुद्वारा साहिब मा मत्था टेकी. ये दौरान सीएम धामी न डेरा कार सेवा पौंछि बाबा हरबंस सिंह, बाबा फौजा सिंह और बाबा टहल सिंह थै श्रद्धांजलि अर्पित करी. ऊंन सबी गुरुओं का योगदान थै याद करी. ये मौका पर नानकमत्ता गुरुद्वारा प्रबंधक कमेटी न सीएम धामी थै सरोपा भेंट करी.
CM धामी न पंडित दीन दयाल उपाध्याय थै दिनी श्रद्धांजलि: मुख्यमंत्री पुष्कर सिंह धामी न आज उधमसिंह नगर का खटीमा का नगला तराई मा अपणा निजी आवास पर पंडित दीन दयाल उपाध्याय का जन्म दिवस (Pandit Deendayal Upadhyay birth anniversary) पर ऊंका चित्र पर माल्यार्पण करी श्रद्धांजलि दिनी. ये मौका पर मुख्यमंत्री धामी न बोली एकात्म मानववाद का प्रणेता पंडित दीनदयाल उपाध्याय का विचार, आदर्श समाजै संकल्पना थै साकार करदन.
हिमाचल चुनाव मा प्रचार करला उत्तराखंड का नेता: हिमाचल विधानसभा चुनाव मा उत्तराखंड भाजपा का नेता चुनाव प्रचार करला. ये मैना का आखिर मा 49 नेता हिमाचल जाला. उत्तराखंड का यू वरिष्ठ और अनुभवी नेता हिमाचल मा चुनाव प्रबंधनै कमान संभालला. केंद्रीय नेतृत्व न हिमाचल प्रदेशै 19 विधानसभा सीटूं पर उत्तराखंड का नेताऊं थै जिम्मेदारी दिनी.
देहरादून मा आयोजित होली मैराथन: सरदार वल्लभ भाई पटेलै जंयती पर उत्तराखंड पुलिस रन फॉर यूनिटी कु आयोजन करली. यां का तहत देहरादून मा मैराथन कु आयोजन किये जालू. ई मैराथन मा 21 किलोमीटर और 10 किलोमीटरै दौड़ करये जाली. यां मा विजेता प्रतिभागियूं थै ₹10 लाख रुप्या की राशि दिये जाली. 30 अक्टूबरौ उत्तराखंड पुलिस देहरादून मैराथन कु चौथूं संस्करण आयोजित करली.
चारधाम यात्रा मा बढणी यात्र्यूं की संख्या:चारधाम यात्रा मा एक बार फिर से तीर्थयात्रियूं की संख्या बढ़ण लग गी. हालांकि मौसम खराब होंण का कारण यात्रियूं थै परेशानी भी होंणी च. यां का बाद भी बदरीनाथ, केदारनाथ, गंगोत्री व यमुनोत्री धाम मा यात्र्यूं की संख्या दिनों-दिन बढणी च. अक्टूबर मैना मा दीपावली तक हेली सेवा की बुकिंग भी फुल ह्वे गीन.
उत्तराखंड मा कोरोना का मामला:उत्तराखंड मां धीरे-धीरे कोरोना का मामलौ मा कमी औंणी च. सरकार और स्वास्थ्य विभाग यां कु थै लेकी लगातार प्रयास कन्ना छन. आज प्रदेश मा कोरोना का 3 नया मामला समणि ऐनी, ज्या का बाद प्रदेश मा कोरोना संक्रमितू की संख्या 104,058 ह्वे गी, जबकि यां से मन्न वालौ की संख्या 332 च.
