ગાંધીનગર 30 ઓક્ટોબર સાંજે 6.30 કલાકે મોરબીમાં મચ્છુ નદી પર કેબલ બ્રિજતૂટવાની દુર્ઘટના ( Morbi Bridge Collapse ) બની હતી. જેમાં ગણતરીના કલાકોમાં રાહત કામગીરી સ્થાનિક તંત્ર અને સ્થાનિક લોકો દ્વારા શરૂ કરવામાં આવી હતી. જ્યારે રાજ્ય સરકારે રાહત કામગીરીની સમીક્ષા માટે સ્ટેટ ઈમરજન્સી ઓપરેશન સેન્ટર-SEOC ગાંધીનગર ખાતે ટોલ ફ્રી નંબર જાહેર કર્યા હતાં. જેમાં આજે આપતિ વ્યવસ્થાપન પ્રધાન રાજેન્દ્ર ત્રિવેદીની અધ્યક્ષતામાં બેઠક ( Meeting held by Rajendra Trivedi ) યોજાઈ હતી.
152 લોકોને આપવામાં આવી રજા રાજેન્દ્ર ત્રિવેદીએ બેઠક બાદ SEOC ખાતે ( Meeting held by Rajendra Trivedi ) માહિતી આપતા કહ્યું હતું કે પુલ તૂટવાની ઘટના ( Morbi Bridge Collapse ) બાદ વહીવટી તંત્ર, વિવિધ સુરક્ષા દળો તેમજ સ્થાનિકોની મદદથી 170 જેટલા નાગરિકોને બચાવી લેવામાં ( 170 Rescued in Morbi Bridge Collapse ) સફળતા મળી છે. જેમાંથી 152ને હોસ્પિટલમાં સારવાર બાદ રજા આપવામાં આવી છે. જયારે 17 નાગરિકો હોસ્પિટલમાં સારવાર હેઠળ છે. ઘટનામાં અત્યાર સુધીમાં 135 ના દુ:ખદ અવસાન થયા છે. તે તમામની અંતિમવિધિ કરવામાં આવી છે. રાજય સરકારે પણ મૃતકો પ્રત્યે સંવેદના દાખવવા માટે આવતીકાલે 2જી નવેમ્બરે રાજ્યવ્યાપી શોક જાહેર કરીને સરકારી કાર્યક્રમો મોકૂફ રાખ્યા છે તેમજ સરકારી કચેરીઓમાં રાષ્ટ્રધ્વજ પણ અડધી કાઠીએ ફરકાવાશે.
તાત્કાલિક સહાયની ચૂકવણી રાજેન્દ્ર ત્રિવેદીએ ( Meeting held by Rajendra Trivedi )વધુમાં જણાવ્યું હતું કે મોરબીમાં પુલ તૂટવાની દુ:ખદ ઘટના ( Morbi Bridge Collapse ) ના સમાચાર મળ્યા બાદ યુદ્ધના ધોરણે વહીવટી તંત્રને બચાવ કામગીરીની સૂચનાઓ આપીને મુખ્યપ્રધાન ભૂપેન્દ્ર પટેલે ( CM Bhupendra Patel in Morbi ) બચાવ કામગીરીનું સ્થળ નિરીક્ષણ કરીને જરૂરી માર્ગદર્શન આપી બનતી તમામ મદદ કરી હતી. પીએમ મોદીએ મોરબીમાં ઝૂલતો પુલ તૂટવાની ઘટનાથી ( Morbi Hanging Bridge Collapse ) વ્યથિત થઈને દુ:ખ વ્યક્ત કરીને બચાવ-રાહત કામગીરી વધુ ઝડપી બને તે હેતુથી તંત્રને જરૂરી સૂચનાઓ આપી કેન્દ્રીય સુરક્ષા દળોને તાત્કાલિક મોરબી રવાના કર્યા હતા. ઘટનામાં અવસાન પામેલા નાગરિકોનાં પરિવારજનોને વડાપ્રધાનની કાર્યાલયમાંથી રૂ. 2 લાખ તેમજ મુખ્યમંત્રી રાહત ફંડમાંથી 4 લાખ એમ કુલ રૂ. 6 લાખની સહાય ચૂકવવાની કામગીરી તાત્કાલિક પૂર્ણ કરાઈ છે. જ્યારે ઈજાગ્રસ્તોને કેન્દ્ર રાજ્ય સરકાર દ્વારા રૂ. 50,000 હજારની સહાય ચૂકવવામાં આવી છે.