ક્રિકેટર ઝહીર ખાનને પત્નિ સાથેનો દિવાળીનો ફોટો શેર કરવો પડ્યો ભારે

મુંબઈ: ઝહીર ખાને તેની પત્નિ સાથે દિવાળીની પૂજા કરતા હોય તેવી તસવીર શેર કરી. જેને લઇને સોશિયલ મીડિયા યૂઝર્સે કમેન્ટ કરવાનું શરુ કરી દીધું હતું.

ભારતીય ક્રિકેટ ટીમના પૂર્વ ફાસ્ટ બોલર ઝહીર ખાને અભિનેત્રી પત્નિ સાગરિકા ઘાટગે સાથે દિવાળીની ઉજવણી કરી હતી. જેની તસવીર તેણે સોશિયલ મીડિયા પર શેર કરી હતી. પરંતુ આ તસવીર શેર કર્યા બાદ તેને ટીકાભરી કમેન્ટ્સનો સામનો કરવો પડ્યો હતો. આ વાત એમના કેટલાક ચાહકોને પસંદ ન આવી કે, તે હિંદૂ નથી છતા દિવાળીની ઉજવણી કરી.

સાગરિકા સાથે શેર કરેલી તસવીર વધારે ઝડપથી વાઈરલ થઈ હતી. સોશિયલ મીડિયાના યુઝર્સે આ ફોટો પર ઝહીરને અલ્લાહથી ડરવાનું કહ્યુ અને ધમકી પણ આપી હતી. એટલું જ નહિ કેટલાક ચાહકોએ એમ પણ કહ્યુ કે, ક્રિકેટરના નામ પર ફતવો જાહેર કરવો જોઈએ.