- મોરબીના કાગદડી ગામે રહેતા કૌટુંબીક જમાઇએ આચર્યું દુષ્કર્મ
- આરોપી પીડિતાના પરિવારજનોને આપતો હતો ધમકી
- LCB દ્વારા આરોપી વીરપુર પોલીસને હવાલે થયો પોતાના મામાજીની પુત્રી સાથે દુષ્કર્મ આચરનાર જમાઇ થયો પોલીસ હવાલે
રાજકોટ: આરોપી મોરબીના કાગદડી ગામનો રહીશ છે જેનું સાસરું ગોંડલના દેવચડી ગામમાં છે. આરોપીની તેની પત્ની રીસામણે હોવાથી તે વીરપુરમાં પોતાના મામાજી સસરાને ત્યાં આવી અને તેમને જણાવ્યું હતું કે પોતે નવી કાર લીધી છે જે પોતાની પત્નીને દેવચડી ગામે બતાવવા જવાનું છે. નવી કારને કુંવારી કન્યાના હાથે શગુનનું તિલક કરાવવાનું કહી તે મામા સસરાની પુત્રીને પોતાની સાથે લઇ ગયો હતો. મામાજીએ પણ જમાઈને ખોટું લાગશે તેમ વિચારી પોતાની દસ વર્ષની પુત્રીને તેની સાથે મોકલી હતી.
સાંજના સમયે કૌટુંબીક જમાઈએ પોતાના સાળા સાથે બાળકીને ઘરે મોકલી
બાળકી ઘરે આવતા જ બેહોશ જેવી થઈ જતા તેને તરત જ વીરપુર સરકારી હોસ્પીટલમાં લઈ જવામાં આવી હતી જ્યાં ડૉકટરે તેના પર દુષ્કર્મ થયું હોવાનું જણાવતા પરિવારજનોની પગ નીચેથી જમીન સરકી ગઈ હતી. બીજી બાજુ બાળકીની હાલત વધુ બગડતા તેને સારવાર માટે રાજકોટ રિફર કરવામાં આવી હતી. આ અંગે મામાજીએ જમાઈને ફોન કરતા તે પીડિત બાળકીના પરિજનોને મારી નાંખવાની ધમકી આપવા લાગ્યો.