પ્રેમસંબંધ હોવાની શંકા જતા સાથી સેવા ગ્રુપના જલ્પા પટેલ પર હુમલો, પતિ અને અજાણ્યા લોકોએ કર્યો હુમલો

રાજકોટમાં ઘણા સમયથી સેવાકીય પ્રવૃત્તિ સાથે જોડાયેલા મૌલિક સરવૈયા અને જલ્પા પટેલ પર જલ્પાના પતિ કેતન ત્રાંબડીયા અને અજાણ્યા શખ્સ દ્વારા મૌલિક અને જલ્પા વચ્ચે આડા સંબંધની શંકાએ દુમલો કરી માર માર્યો હતો. બન્ને ઈજાગ્રસ્ત થતા સિવિલ હોસ્પિટલમાં સારવાર હેઠળ છે. પોલીસ સ્ટેશનમાં કેતન ત્રાંબડીયા વિરુદ્ધ ફરિયાદ નોંધાવી છે.

• રાજકોટમાં સેવાકીય પ્રવૃત્તિ સાથે જોડાયેલા મૌલિક અને જલ્પા પર હુમલો
• જલ્પાના પતિએ શંકાના આધારે બંન્નેને જાનથી મારી નાખવાની આપી ધમકી
• જલ્પા અને મૌલિકે નોંધાવી પોલીસ ફરિયાદ

રાજકોટઃ શહેરમાં ઘણા સમયથી સેવાકીય પ્રવૃત્તિ સાથે જોડાયેલા મૌલિક સરવૈયા અને જલ્પા પટેલ પર મોડી રાત્રે જલ્પાના પતિ કેતન ત્રાંબડીયા અને અજાણ્યા શખ્સ દ્વારા હુમલો કરવામાં આવ્યો હતો. ‘તમારે શું સંબંધ છે, તેમ કહી શંકાના આધારે બંનેને બેફામ માર માર્યો હતો. તેમજ મૌલિકને માથામાં મોટી ઇજા પહોંચાડી હતી. બંનેને મારી નાંખવાની ધમકી પણ આપી હતી. હાલ બન્નેને સિવિલ હોસ્પિટલ (civil hospital)માં સારવાર માટે ખસેડવામાં આવ્યા હતા.

બંનેને જાનથી મારી નાંખવાની આપી ધમકી

જલ્પાના પતિ કેતન ત્રાંબડિયાએ મૌલિક અને જલ્પા પર હુમલો કરી માર માર્યો હતો. આ અંગે પોલીસ સ્ટેશનમાં ફરિયાદ દાખલ કરાઈ છે. મૌલિક પોલીસ સ્ટેશનમાં નોંધાવેલી ફરિયાદ મુજબ “ તે રાત્રિના સમયે ઘરે હતો ત્યારે કેતન ત્રાંબડીયાએ હુમલો કર્યો હતો, બંન્નેને ઘરના દરવાજા બંધ કરી આડેધડ ઢીકાપાટુ મારવા લાગ્યો હતો. તેના બેડ પર પડેલી સુટકેસ માથા પર જોરથી મારી હોવાથી લોહી લુહાણ હાલતમાં હોસ્પિટલ પહોંચ્યા હતા. જલ્પાને પણ ઢીકાપાટુનો માર માર્યો હતો. તેમજ બંન્નેને જાનથી મારી નાખવાની ધમકી આપી હતી.