સંઘ પ્રદેશ દીવ, દમણ અને દાદરા નગર હવેલીના એકિકૃતને લઈને આગામી દિવસોમાં લોકસભામાં એક બિલ રજૂ કરવામાં આવશે. આ બિલ લોકસભા અને રાજ્યસાભામાં બહુમતીના જોરે પાસ થઇ જાય તો દીવ, દમણ અને દાદરા નગર હવેલીને સંયુક્ત સંઘ પ્રદેશ તરીકેની માન્યતા મળી શકે છે. કેન્દ્ર સરકાર ત્રણેય પ્રદેશોને એકીકૃત કરીને એક સંયુક્ત સંઘ પ્રદેશ બનાવવાની દિશામાં આગળ વધી રહી છે. જેને, લઈને ત્રણેય પ્રદેશોમાં બંધારણીથી લઈને કેટલાક માળખાકીય ફેરફારો પણ જોવા મળશે.
દીવ, દમણ અને દાદરા અને નગર હવેલી સ્વતંત્ર સંઘ પ્રદેશ તરીકે વર્તી રહ્યાં છે. જ્યારે લોકસભામાં એકીકૃત બિલ આવવા જઈ રહ્યું છે, ત્યારે કેટલાક ફેરફારો જોવા મળશે. દીવમાં પ્રવાસન અને માછીમારીને બાદ કરતા અન્ય કોઈ ઉદ્યોગ સ્થાપિત થયો નથી. જેને, લઈને દીવને સૌથી મોટું નુકસાન થઇ શકે છે. ત્રણેય પ્રદેશ એકીકૃત થતા ટેક્સનું માળખું એક સમાન થશે. જેનો ગેરલાભ દીવને થઇ શકે છે. તેમજ ત્રણેય પ્રદેશો એક થતા અધિકારીઓની સત્તા પણ બદલાશે. કેટલાક અધિકારો દીવની બહાર જાય તેવી પણ શક્યતાઓ છે. જેને, લઈને દીવના લોકોને કેટલીક વહીવટી અગવડતા પણ પડવાની સંભાવના રહેલી છે.
સંઘ પ્રદેશ દીવ, દમણ અને દાદરાનગર હવેલી કેટલીક ભિન્નતા ધરાવે છે. અહીં પ્રવાસનને કારણે દેશભરના પ્રવાસી આવતા હોય છે. અહીંના માછીમારોને પણ નવા ટેક્સ મુજબ કેન્દ્ર સરકારને કર આપવો પડે તેવી શક્યતાઓ જોવામાં આવી રહીં છે.