અમદાવાદઃ VGGS 2022 આગામી વર્ષે યોજાવા જઇ રહી છે. જેમાં સ્થાનિક ચીજો ગ્લોબલ બને, MSME સેકટર (MSME Sector Of Gujarat) એક્સપોર્ટલક્ષી બને તે મુદ્દે એક્સપોર્ટ કરતા વેપારીઓ સાથે આજે મુખ્યપ્રધાન ભુપેન્દ્ર પટેલ (CM Bhupendra Patel Meets Industrialist ) અને MSME સેક્ટરના પ્રધાન જગદીશ વિશ્વકર્માની ઉપસ્થિતિમાં વાઇબ્રન્ટ ગુજરાત પ્રિ-સમીટનું આયોજન કરાયું (Vibrant Gujarat 2022 Pre-Summit ) હતું.
વાઇબ્રન્ટ ગુજરાતની શરૂઆત 2013 માં થઇ
MSME સેક્ટરના પ્રધાન જગદીશ વિશ્વકર્માએ (MSME Sector Of Gujarat) જણાવ્યું હતું કે, ગુજરાતમાં વાઇબ્રન્ટ સમિટ 2013 માં શરૂ થઇ હતી. ગુજરાતના 20 સ્પેશિયલ ઇકોનોમી ઝોન થકી જુદી-જુદી 160 વસ્તુઓની 1.27 લાખ કરોડની નિકાસ કરે છે. પહેલા ગુજરાતમાં 138 હેકટરમાં GIDC હતી, તે વધીને 45 હજાર હેકટરમાં થઈ છે.
આ પણ વાંચોઃ Business News: નવેમ્બરમાં નિકાસ 26 ટકા વધીને 29.88 અબજ ડોલરે પહોંચી, આયાતમાં 57 ટકાનો ઉછાળો
ગુજરાતની ચીજોને GI ટેગ આપી ગ્લોબલ બનાવાઈ
મુખ્યપ્રધાન ભુપેન્દ્ર પટેલે (Vibrant Gujarat 2022 Pre-Summit ) જણાવ્યું હતું કે, ફાર્માસ્યૂટિકલ્સ, એગ્રો કેમિકલ્સ, પ્લાસ્ટિકની કાચી સામગ્રી, કાપડ,જેમ્સ અને જ્વેલરી, ઓર્ગેનિક કેમિકલ્સ, ડાઈ, સિરામિક વગેરેની નિકાસમાં ગુજરાત મોખરે હોવાનું જણાવી પાટણના પટોળા, કચ્છની એંબ્રોઇડરી, સંખેડાનું ફર્નીચર, જામનગરની બાંધણી જેવા પરંપરાગત ઉત્પાદનોને જી.આઇ. ટેગ અપાવી તેના એક્સપોર્ટમા (Gujarat Government export goal) પણ ગુજરાત સફળ રહ્યુ છે.