- મોદીનું દિલ્હી એરપોર્ટ પર ભવ્ય સ્વાગત
- 3 દિવસની અમેરિકા મુલાકાત પર હતા મોદી
- UN સભાને પણ કરી સંબોધિત
નવી દિલ્હી: વડાપ્રધાન નરેન્દ્ર મોદી રવિવારે તેમની ત્રણ દિવસીય અમેરિકાની મુલાકાત પૂર્ણ કર્યા બાદ નવી દિલ્હી પરત ફર્યા હતા, જ્યાં તેમણે સંયુક્ત રાષ્ટ્ર મહાસભાને સંબોધિત કરી હતી અને પ્રથમ વ્યક્તિગત ચતુર્ભુજ સુરક્ષા સંવાદ (QUAD) સમિટમાં ભાગ લીધો હતો.
જેપી નડ્ડાએ મોદીનુ સ્વાગત કર્યું
ભારતીય જનતા પાર્ટીના રાષ્ટ્રીય અધ્યક્ષ જય પ્રકાશ નડ્ડા સાથે પાર્ટીના મહાસચિવો અરૂણ સિંહ અને તરુણ ચુગ, પૂર્વ આરોગ્ય મંત્રી હર્ષવર્ધન, દિલ્હી ભાજપના અધ્યક્ષ આદેશ ગુપ્તા અને પાર્ટીના વરિષ્ઠ અધિકારીઓ પીએમ મોદીને આવકારવા એરપોર્ટ પર હાજર હતા અને તેમનું સ્વાગત ઢોલ સાથે કર્યું હતું.
બાઈડેન સાથે દ્વીપક્ષીય બેઠક
તેમની યુએસ મુલાકાત દરમિયાન, પીએમ મોદીને વ્હાઇટ હાઉસમાં રાષ્ટ્રપતિ જો બાઈડેન દ્વારા યજમાન બનાવવામાં આવ્યા હતા, જેમની સાથે તેમણે દ્વિપક્ષીય બેઠક યોજી હતી. 20 જાન્યુઆરીએ બિડેને અમેરિકી રાષ્ટ્રપતિ પદ સંભાળ્યા બાદ બંને નેતાઓ વચ્ચે આ પ્રથમ વ્યક્તિગત મુલાકાત હતી.
આ પણ વાંચો : ભારતીય ક્રિકેટ ટીમના પૂર્વ વિકેટકીપર પાર્થિવ પટેલના પિતાનું નિધન
જાપાન-ઓસ્ટ્રેલિયાના સમકક્ષના સાથે મુલાકાત
પીએમ મોદીએ ઉપરાષ્ટ્રપતિ કમલા હેરિસ અને અનેક અમેરિકન કંપનીઓના સીઈઓ સાથે દ્વિપક્ષીય બેઠક પણ કરી હતી. તેમણે COVID-19 રોગચાળા પછી પ્રથમ વ્યક્તિગત ક્વાડ સમિટ દરમિયાન ઓસ્ટ્રેલિયાના વડા પ્રધાન સ્કોટ મોરિસન અને જાપાનના વડાપ્રધાન યોશીહિદે સુગા સાથે મુલાકાત કરી અને દ્વિપક્ષીય બેઠક યોજી. સમિટ દરમિયાન, પીએમ મોદીએ કોવિડ -19 રસીકરણ પ્રમાણપત્રની પરસ્પર માન્યતા ધરાવતી એક સામાન્ય આંતરરાષ્ટ્રીય મુસાફરી પ્રોટોકોલનો પ્રસ્તાવ મૂક્યો હતો.
આ પણ વાંચો : બનાસકાંઠા જિલ્લામાં મેઘ તાંડવ, ડીસામા ચાર ઇંચ વરસાદ ખાબકતાં સર્વત્ર પાણી પાણી
UNમાં મોદીનું સંબોધન
પીએમ મોદીએ તેમની યુએસ મુલાકાત દરમિયાન ન્યૂયોર્કમાં સંયુક્ત રાષ્ટ્ર મહાસભાના 76 માં સત્રના ઉચ્ચ સ્તરીય ભાગની સામાન્ય ચર્ચાને પણ સંબોધી હતી. યુએસ મુલાકાત કોવિડ -19 રોગચાળો ફાટી નીકળ્યા બાદ પડોશની બહાર વડાપ્રધાનની પ્રથમ મુલાકાત છે. વિદેશ સચિવ હર્ષવર્ધન શૃંગલાએ અગાઉ વર્ણવ્યું હતું કે પીએમ મોદીની યુએસ મુલાકાત ખૂબ જ સફળ રહી છે.
