જબલપુર : જ્યારે ડિંડોરીના ગરીબ પિતાને તેમના મૃત નવજાત શિશુના મૃતદેહને લઈ જવા માટે કોઈ સાધન ન મળતા તેઓ બાળકના મૃતદેહને થેલીમાં લઈ ગયા હતા. આ ઘટના ગુરુવાર રાતની છે. જ્યારે ડિંડોરીથી આવેલા પરિવારના નવજાત પુત્રનું જબલપુર મેડિકલ કોલેજમાં સારવાર દરમિયાન મૃત્યુ થયું હતું. તેઓને બાળકના મૃતદેહને ડિંડોરી પરત લઈ જવા માટે કોઈ સાધન મળ્યું ન હતું. ગરીબ પિતા પાસે મૃતદેહ લઈ જવા માટે બીજો કોઈ વિકલ્પ ન હતો, તેથી તે બાળકના મૃતદેહને થેલીમાં ભરીને પોતાના ઘરે લઈ ગયા હતા.
મેડિકલ કોલેજમાં નવજાતનું મૃત્યુ : 13 જૂને ડિંડોરીના સહજપુરી ગામની રહેવાસી જમની બાઈને પ્રસૂતિની પીડા ઉપડતાં ડિંડોરી જિલ્લા હોસ્પિટલમાં દાખલ કરવામાં આવી હતી. ડિલિવરી પછી જ્યારે નવજાતની હાલત વધુ ખરાબ થઈ ત્યારે તેને જબલપુર મેડિકલ કોલેજમાં રિફર કરવામાં આવ્યો હતો. જ્યાં સારવાર દરમિયાન નવજાતનું મૃત્યુ નીપજ્યું હતું. ગરીબ પરિવારે ડિંડોલી પરત આવવા માટે મેડીકલ કોલેજના મેનેજમેન્ટને શબવાહિની આપવાની માટે વિનંતી કરી હતી, પરંતુ મેનેજમેન્ટ દ્વારા શબવાહિની ઉપલબ્ધ કરાવવામાં આવ્યો ન હતો.
પરિવાર મૃતદેહને થેલીમાં રાખીને ઘરે પહોંચ્યા :મેડિકલ કોલેજથી ઓટોમાં નવજાત શિશુના મૃતદેહને રાખીને પરિજનોએ કોઈક રીતે જબલપુર બસ સ્ટેન્ડ પહોંચ્યા હતા. આ પછી મૃતદેહને થેલીમાં છુપાવીને બસમાં 150 કિલોમીટરનો પ્રવાસ કરીને મોડી રાત્રે ડિંડોરી પહોંચ્યો હતો. મૃતદેહને કોથળામાં રાખીને સ્વજનો ડિંડોરી બસ સ્ટેન્ડ પર સ્વજનોની રાહ જોતા અહીં-તહીં ભટકી રહ્યા હતા. પરંતુ ડિંડોરીમાં પણ તેમની મદદ માટે કોઈ આગળ ન આવ્યું.