Artificial Rain : IIT કાનપુરનો કમાલ, પાંચ હજાર ફૂટની ઊંચાઈથી કૃત્રિમ વરસાદનું સફળ પરીક્ષણ

હવે દુષ્કાળનું ટેન્શન ખેડૂતો માટે દૂર થવા જઈ રહ્યું છે, કારણ કે IIT કાનપુર દ્વારા કૃત્રિમ વરસાદ કરીને લોકોને અને ખેડૂતોને મોટી રાહત આપશે, પરંતુ કૃત્રિમ વરસાદ માટે વાદળછાયું વાતાવરણ હોવું જરુરી છે.

કાનપુર : ચોમાસાના આગમન પર ક્યારેક ક્યારેક ભારે વરસાદ પડે છે, પરંતુ જો આપણે છેલ્લા કેટલાક વર્ષોમાં શહેર અને અન્ય નજીકના શહેરોમાં વરસાદના રેકોર્ડ પર નજર કરીએ તો, બહુ સારા પરિણામો સામે આવ્યા નથી. બુંદેલખંડના શહેરોમાં દર વર્ષે ઘણા ખેડૂતો દુષ્કાળના કારણે મૃત્યુ પામે છે. જો પાક ન આવે તો તે અલગ બાબત છે. જો કે આ બધાની વચ્ચે હવે IIT કાનપુર તરફથી એક અદ્ભુત માહિતી સામે આવી છે. આ સિઝનથી IIT કાનપુરના નિષ્ણાતો કૃત્રિમ વરસાદ કરી શકશે. બુધવારે કેમ્પસમાં તેનું સફળ પરીક્ષણ કરવામાં આવ્યું હતું. હવે, નિષ્ણાતોનો દાવો છે કે જો જુલાઈ-ઓગસ્ટ અને સપ્ટેમ્બરમાં ઘણા દિવસો સુધી વરસાદ નહીં પડે તો IIT કાનપુર તરફથી કૃત્રિમ વરસાદ દ્વારા લોકોને અને ખેડૂતોને રાહત આપવામાં આવશે.

વાદળો હોવા જરૂરી છે : આ સમગ્ર મામલે IIT કાનપુરના પ્રોફેસર અને પદ્મશ્રી પુરસ્કાર વિજેતા મનિન્દ્ર અગ્રવાલે જણાવ્યું કે, અમે લગભગ છ વર્ષ પહેલા IIT કાનપુરમાં કૃત્રિમ વરસાદનું પરીક્ષણ કર્યું હતું. જો કે, તે પછી અચાનક કોરોના કાળ આવ્યો અને તમામ તૈયારીઓ ખોરવાઈ ગઈ હતી. ત્યાં ઘણા સાધનો હતા જે અમેરિકાથી લાવવાના હતા અને તેમાંથી સૌથી મહત્ત્વનું સાધન સેસના એરક્રાફ્ટ હતું. જે પાંચ હજાર ફૂટની ઊંચાઈ સુધી જઈ શકે છે. એટલું જ નહીં, ડીજીસીએની પરવાનગી મેળવવામાં પણ સમય લાગ્યો હતો. જો કે, હવે સંપૂર્ણ સેટઅપ થઈ ગયું છે. અમે તેનું સતત પરીક્ષણ કરતા રહીશું અને વરસાદ માટે વાદળો હોવા જરૂરી રહેશે. તેથી, જો વાદળછાયું હોય અને વરસાદની જરૂર હોય, તો અમે કૃત્રિમ વરસાદ કરીને લોકોને ભીંજવીશું.

સરકારે IITના પ્રયાસોની પ્રશંસા કરી : આ બાબતની માહિતી મળ્યા બાદ, IITની આ કવાયતની સરકાર દ્વારા ખૂબ પ્રશંસા કરવામાં આવી છે. સરકારી અધિકારીઓએ કહ્યું કે, આ મામલે તેઓ IIT કાનપુરના નિષ્ણાતોને શક્ય તમામ મદદ પૂરી પાડશે.