નવી દિલ્હી:સુપ્રીમ કોર્ટે મંગળવારે જણાવ્યું હતું કે 'અગ્નિપથ' યોજના (Agnipath Scheme) સામે હિંસક વિરોધ દરમિયાન જાહેર સંપત્તિને થયેલા નુકસાનની તપાસ કરવા માટે વિશેષ તપાસ ટીમની (SIT) માંગ કરતી અરજી સુનાવણી માટે સૂચિબદ્ધ કરવામાં આવશે. આ સંદર્ભે મુખ્ય ન્યાયાધીશ આમાં નિર્ણય લેશે.
આ પણ વાંચો:'અગ્નિપથ વાસ્તવમાં લોલીપોપ છે' ભાજપ પર આકરા પ્રહારો કરતા મમતા બેનર્જી
અગ્નિપથ' યોજના : 14 જૂનના રોજ જાહેર કરાયેલી 'અગ્નિપથ' યોજના હેઠળ, સશસ્ત્ર દળોમાં સાડા 17 વર્ષથી 21 વર્ષની વય જૂથના યુવાનોને ચાર વર્ષ માટે કરારના આધારે ભરતી કરવાની જોગવાઈ છે. તેમાંથી 25 ટકા યુવાનોને નિયમિત સેવામાં રાખવામાં આવશે. આ યોજનાને લઈને દેશના ઘણા ભાગોમાં હિંસક વિરોધ થયો હતો, ત્યારબાદ સરકારે 2022 માં ભરતી માટેની ઉપલી વય મર્યાદા વધારીને 23 વર્ષ કરી દીધી હતી.
મામલાની તાકીદની સુનાવણી માટે સૂચિબદ્ધ કરવાનો અનુરોધ કર્યો :કેન્દ્ર સરકારે મંગળવારે સુપ્રીમ કોર્ટમાં એક કેવિયેટ અરજી દાખલ કરીને સરકારને સંરક્ષણ દળો માટે 'અગ્નિપથ' ભરતી યોજનાને પડકારતી અરજીઓની સુનાવણી કરતા પહેલા તેનું સ્ટેન્ડ રજૂ કરવા જણાવ્યું હતું. વાદી દ્વારા તેની સામે કોઈ પ્રતિકૂળ હુકમ સાંભળવામાં ન આવે તેની ખાતરી કરવા માટે કેવિયેટ અરજી દાખલ કરવામાં આવે છે. એડવોકેટ વિશાલ તિવારીએ જસ્ટિસ સીટી રવિકુમાર અને જસ્ટિસ સુધાંશુ ધુલિયાની વેકેશન બેન્ચને વિનંતી કરી કે આ મામલાની તાકીદની સુનાવણી માટે સૂચિબદ્ધ કરવાનો અનુરોધ કર્યો.
'અગ્નિપથ' યોજના અને રાષ્ટ્રીય સુરક્ષા અને સૈન્ય : રિસેસ દરમિયાન કેસોની યાદી બનાવવાની પદ્ધતિનો ઉલ્લેખ કરતાં, બેન્ચે કહ્યું કે, આ મામલો મુખ્ય ન્યાયાધીશ સમક્ષ મૂકવામાં આવશે અને તે તેના પર નિર્ણય લેશે. પીઆઈએલએ કેન્દ્ર અને ઉત્તર પ્રદેશ, તેલંગાણા, બિહાર, હરિયાણા અને રાજસ્થાનની સરકારોને હિંસક વિરોધ અંગે સ્ટેટસ રિપોર્ટ સબમિટ કરવા માટે નિર્દેશ આપવાની પણ માંગ કરી હતી. તિવારીએ તેમની અરજીમાં, 'અગ્નિપથ' યોજના અને રાષ્ટ્રીય સુરક્ષા અને સૈન્ય પર તેની અસરની તપાસ કરવા માટે સર્વોચ્ચ અદાલતના નિવૃત્ત ન્યાયાધીશની અધ્યક્ષતામાં નિષ્ણાત સમિતિની રચના કરવા માટે નિર્દેશની પણ માગ કરી છે.
આ પણ વાંચો:ગુજરાતથી બિહાર જતી ટ્રેન એકાએક શા માટે રદ થઈ...
'અગ્નિપથ' યોજના સામે સુપ્રીમ કોર્ટમાં અરજી દાખલ કરી :અરજીમાં કેન્દ્ર અને રાજ્ય સરકારોને સુપ્રીમ કોર્ટના 2009ના ચુકાદામાં નિર્ધારિત માર્ગદર્શિકા અનુસાર દાવા કમિશનરોની નિમણૂક કરવા નિર્દેશ આપવા પણ વિનંતી કરી છે. કેન્દ્રની 'અગ્નિપથ' યોજના સામે સોમવારે સુપ્રીમ કોર્ટમાં બીજી અરજી દાખલ કરવામાં આવી હતી, જેમાં આક્ષેપ કરવામાં આવ્યો હતો કે સરકારે સશસ્ત્ર દળો માટે વર્ષો જૂની પસંદગી પ્રક્રિયાને રદ કરી છે, જે બંધારણીય જોગવાઈઓથી વિરુદ્ધ છે. આ માટે સંસદની મંજૂરી લેવામાં આવી નથી.
