অৰুণাচল প্ৰদেশত কাম কৰিবলৈ যোৱা অসমৰ ১৯ জনকৈ শ্ৰমিকৰ ভিতৰত (19 workers missing on Indo China border) মানিকপুৰৰ ভাণ্ডাৰা গাৱৰ ওৱাজেদ আলী নামৰ শ্ৰমিকজনৰ আজিপৰ্যন্ত কোনো সন্ধান ওলোৱা নাই । বিগত ১মে’ত কামৰ উদ্দেশ্যে ৰেজাউল নামৰ ঠিকাদাৰৰ লগত অৰুণাচল প্ৰদেশত যায় ৷ তাৰ পিছত বিগত ৫ জুনৰ পৰা নিৰুদ্দেশ হয় ওৱাজেদ আলী (Worker from Manikpur is still missing in Arunachal Pradesh) । নিৰুদ্দেশ হোৱা ১৯ জন শ্ৰমিকৰ ভিতৰত কিছুমানক জীৱন্তে আৰু কিছুমানক মৃত হিচাপে উদ্ধাৰ কৰা হয় যদিও আজিলৈকে ওৱাজেদ আলীৰ কোনো সন্ধান ওলোৱা নাই ৷ এনে পৰিস্থিতিত সম্প্ৰতি পৰিয়ালৰ লোকসকল ভাগি পৰিছে শোকত ৷ ইফালে ভুক্তভোগীসকলে এই ১৯ জনকৈ শ্ৰমিকক অভয়াপুৰীৰ ঠিকাদাৰ ৰেজাউল কৰিমে ২০ লাখ টকাত বিক্ৰী কৰা বুলি অভিযোগ উত্থাপন কৰিছে । গতিকে এই ঠিকাদাৰৰ বিৰুদ্ধে ব্যৱস্থা গ্ৰহণ কৰাৰ লগতে নিৰুদ্দেশ হৈ থকা ওৱাজেদ আলী নামৰ শ্ৰমিক জনৰ সন্ধান উলিয়াই দিবলৈ পিতৃ মাতৃয়ে চৰকাৰক কাতৰ আহ্বান জনাইছে ।