নগাঁও, 4 ছেপ্টেম্বৰ : নগাঁৱৰ জুৰীয়াৰ সৰবৰহী যুৱক মুস্তাফিজুৰ ৰহমান ওৰফে ৰ’জ আৰু নাই । শনিবাৰে সন্ধিয়া নগাঁৱৰ এখন ব্যক্তিগত চিকিৎসালয়ত শেষ নিশ্বাস ত্যাগ কৰে জুৰীয়াৰ মুস্তাফিজুৰ ৰহমানে (Social worker Mustafizur Rahman passes away)। উল্লেখ্য যে, মধুমেহ ৰোগত আক্ৰান্ত হৈ থকা বিগত কিছুদিনৰ পৰাই মুস্তাফিজুৰ ৰহমানৰ দুয়োটা বৃক্কই একপ্ৰকাৰ বিকল হৈ পৰিছিল ।
সকলো সমাজিক কামত আগভাগ লোৱা মুস্তাফিজুৰ ৰহমানৰ মৃত্যুৰ খবৰ বিয়পি পৰাৰ লগে লগে জুৰীয়া অঞ্চলতে নহয় সমগ্ৰ নগাঁৱতে পৰিছে এতিয়া শোকৰ ছাঁ । প্ৰায় সাত বছৰ পূৰ্বেই পত্নীক হেৰুৱাৰ পিছত দুই সন্তানৰ সকলো দায়িত্বও পালন কৰি আহিছিল মুস্তাফিজুৰে (Social worker Mustafizur Rahman) ।