বিগত মাহত ছলমান খান আৰু তেওঁৰ পিতৃ চেলিম খানে মে’ মাহত গুলীয়াই হত্যা কৰা পাঞ্জাবী গায়ক সিদ্ধু মুছেৱালাৰ দৰেই মৃত্যুৰ সন্মুখীন হ’ব বুলি ভাবুকিৰে এখন পত্ৰ লাভ কৰিছিল । তাৰ পিছতেই বন্দুকৰ অনুজ্ঞা পত্ৰ বিচাৰি আবেদন জনাইছিল ভাইজানে (Salman Khan latest news) ৷
চিটাৰা ডেস্ক, 1 আগষ্ট :বলীউডৰ অভিনেতা ছলমান খানে শেহতীয়াকৈ লাভ কৰা ভাবুকি পত্ৰৰ পাছতেই আত্মৰক্ষাৰ বাবে অস্ত্ৰৰ অনুজ্ঞাপত্ৰৰ বাবে মুম্বাই আৰক্ষীক এখন আবেদন দাখিল কৰিছিল ৷ ইয়াৰ পিছতে তেওঁক এখন আৰ্মছ লাইচেন্স প্ৰদান কৰা বুলি সোমবাৰে মুম্বাই আৰক্ষীয়ে প্ৰকাশ কৰিছে (Salman Khan latest news)। শেহতীয়াকৈ মুম্বাই আৰক্ষী আয়ুক্ত বিবেক ফানচালকাৰ আৰু যুটীয়া আৰক্ষী আয়ুক্ত বিশ্বাস নাংগ্ৰে-পাটিলক সাক্ষাৎ কৰিছিল বলীউড অভিনেতা গৰাকীয়ে ।
বিগত মাহত ছলমান খান আৰু তেওঁৰ পিতৃ, চিত্ৰনাট্যকাৰ চেলিম খানে এখন ভাবুকি পত্ৰ লাভ কৰিছিল ৷ মে’ মাহত হত্যা কৰা পাঞ্জাবী গায়ক সিদ্ধু মুছেৱালাৰ দৰেই মৃত্যুৰ সন্মুখীন হ’ব বুলি ভাবুকি পত্ৰখনত উল্লেখ আছিল ।