নিউজ ডেস্ক , ১৯ জানুৱাৰী :চীনে অৰুণাচলৰ ভূমিত গাওঁ স্থাপন কৰাকলৈ দেশজুৰি চৰ্চা অব্য়াহত আছে । এই ঘটনাৰ পিছতে শাসনত থকা বিজেপি চৰকাৰক বিভিন্ন ভাষাৰে কটাক্ষ কৰিছে বিৰোধী দল কংগ্ৰেছে । ইফালে কংগ্ৰেছৰ অভিযোগৰ পিছতে কংগ্ৰেছৰ বিৰুদ্ধেও বাক্য়বাণ বিজেপি চৰকাৰৰ ।
চীনে গাওঁ স্থাপন কৰাকলৈ প্ৰধানমন্ত্ৰীক কটাক্ষ কৰা কংগ্ৰেছ নেতা ৰাহুল গান্ধীক এইবাৰ বিজেপি দলৰ ৰাষ্ট্ৰীয় সভাপতি জে পি নাড্ডাই উভতি ধৰিলে । নাড্ডাই টুইটযোগে প্ৰশ্ন কৰি কয় যে কংগ্ৰেছ নেতা ৰাহুল গান্ধী, তেওঁৰ ৰাজবংশ আৰু কংগ্ৰেছ দলে চীনকলৈ মিথ্য়াচাৰ কৰা কেতিয়া বন্ধ কৰিব ? অৰুণাচলৰ বৃহৎ ভূমি খণ্ডক কংগ্ৰেছৰ এসময়ৰ নেতা পণ্ডিত নেহৰুৱে চীনক উপহাৰ দিয়া কথা অস্বীকাৰ কৰিব পাৰিব নে বুলিও নাড্ডাই প্ৰশ্ন কৰে ৰাহুল গান্ধীক । লগতে কংগ্ৰেছে বাৰে বাৰে চীনৰ হাতত আত্ম সমৰ্পন কৰে বুলিও টুইট যোগে দাবী কৰা দেখা গ'ল তেওঁক । তাৰ মাজতে কংগ্ৰেছ দল আৰু চীনৰ কমিউনিষ্ট পাৰ্টিৰ সৈতে হোৱা এমওইউ চুক্তি প্ৰত্য়াহাৰ কৰাৰ কথা চিন্তা কৰিছে নেকি বুলিও ৰাহুল গান্ধীক প্ৰশ্ন কৰিলে নেতাগৰাকীয়ে ।