নিউজ ডেস্ক, ১৭ ছেপ্টেম্বৰ : আপৰ বিধায়ক আমানতুল্লা খানক দুৰ্নীতিবিৰোধী ব্যুৰোৰ (Anti Corruption Bureau) দ্বাৰা আদালতত হাজিৰ কৰোৱা হয় (AAP MLA Amanatullah Khan produced in court) । দিল্লী আৰক্ষীয়ে তেওঁৰ আৰু তেওঁৰ সহায়কসকলৰ সৈতে সম্পৰ্কিত চৌহদত পূৰ্ব চলোৱা অভিযানৰ পিছত ৩ খন এজাহাৰ দাখিল কৰিছিল ।
শুকুৰবাৰে দিল্লী ৱাকফ বোৰ্ডত অনিয়মৰ সন্দৰ্ভত বিধায়কজনক কেইবা ঘণ্টা ধৰি সোধা-পোছা কৰাৰ পিছত এচিবিয়ে খানক গ্ৰেপ্তাৰ কৰে । এচিবিয়ে আপৰ বিধায়ক আমানতুল্লা খানৰ ঘৰ আৰু তেওঁৰ অন্যান্য স্থানত তালাচী চলায় আৰু তেওঁৰ পৰা ২৪ লাখ টকাৰ লগতে এটা অনুজ্ঞা-পত্ৰবিহীন অস্ত্ৰ জব্দ কৰা বুলি বিষয়াসকলে প্ৰকাশ কৰে (ACB searches AAP MLA Amanatullah Khan house) ।
আমানতুল্লাৰ ব্যৱসায়িক অংশীদাৰ হামিদ আলীকো দক্ষিণ-পূব দিল্লী আৰক্ষীয়ে অস্ত্ৰ আইনৰ অধীনত গ্ৰেপ্তাৰ কৰে (Amanatullah business partner Hamid Ali arrested) । তেওঁৰ চৌহদতো শুকুৰবাৰে এচিবিৰ দ্বাৰা তালাচী চলোৱা হৈছিল । হামিদ আলীৰ বাসগৃহৰ পৰা এটা পিষ্টল, কিছু গুলী আৰু নগদ ১২ লাখ টকা উদ্ধাৰ কৰা হৈছে ।
এচিবিৰ সূত্ৰৰ উদ্ধৃতি দি সংবাদ সংস্থা এএনআইয়ে জনাইছে যে হামিদে সংস্থাটোৰ আগত প্ৰকাশ কৰিছিল যে আমানতুল্লাই তেওঁৰ ঘৰত অস্ত্ৰ-শস্ত্ৰ (Amanatullah kept weapons) আৰু নগদ ধন ৰাখিছিল আৰু সকলো লেনদেন তেওঁৰ নিৰ্দেশনা অনুসৰি কৰা হৈছিল । এচিবিয়ে দিল্লী ৱাকফ বোৰ্ডত নিযুক্তিত অনিয়মৰ অভিযোগৰ তদন্ত কৰি আছে । বৃহস্পতিবাৰে খানক দুবছৰ পুৰণি দুৰ্নীতিৰ গোচৰৰ সন্দৰ্ভত সোধা-পোছাৰ বাবে জাননী জাৰি কৰিছিল (irregularities in recruitment in Delhi Waqf board) ।
দুৰ্নীতি প্ৰতিৰোধ আইনৰ অধীনত ২০২০ চনত পঞ্জীয়ন কৰা এটা গোচৰৰ সন্দৰ্ভত শুকুৰবাৰে নিশা ১২ বজাত ওখলাৰ বিধায়কজনক সোধা-পোছাৰ বাবে মাতি অনা হৈছিল ৷ দিল্লী ৱাকফ বোৰ্ডৰ অধ্যক্ষ খানে জাননীখনৰ বিষয়ে টুইট কৰি দাবী কৰিছিল যে তেওঁ নতুন ৱাকফ বোৰ্ড কাৰ্যালয় নিৰ্মাণ কৰাৰ বাবে তেওঁক মাতি পঠোৱা হৈছে ৷
আনহাতে, এগৰাকী জ্যেষ্ঠ বিষয়াই কয় যে শুকুৰবাৰে খান আৰু তেওঁৰ অন্যান্য স্থানত তালাচী চলোৱা হৈছিল । এটা স্থানৰ পৰা নগদ ২৪ লাখ টকা, এটা অনুজ্ঞা-পত্ৰবিহীন অস্ত্ৰ আৰু কিছুমান কাৰ্ট্ৰিজ জব্দ কৰা হৈছে । ইয়াৰ পূৰ্বে এচিবিয়ে লেফটেনেণ্ট গবৰ্ণৰৰ সচিবালয়লৈ পত্ৰ লিখি দাবী কৰিছিল যে খানক দিল্লী ৱাকফ বোৰ্ডৰ অধ্যক্ষ পদৰ পৰা অপসাৰণ কৰা হ'ব । তেওঁৰ বিৰুদ্ধে এটা গোচৰত সাক্ষীসকলক উৎপীড়ন কৰি তদন্তত বাধা দিয়াৰ অভিযোগ উত্থাপন হোৱাৰ বাবে সেইটো কৰা হ'ব ।
লগতে পঢ়ক :আই আই টি গুৱাহাটীত কেৰালাৰ ছাত্ৰৰ আত্মহনন
