نوجوان ٹرین کی چھت پر چڑھا، چند سیکنڈ میں بن گیا آگ کا گولہ

درگ: ریلوے اسٹیشن کا ایک ویڈیو وائرل ہو رہا ہے۔ درگ جی آر پی سے موصولہ اطلاع کے مطابق امرتسر سے بلاس پور جانے والی چھتیس گڑھ ایکسپریس 24 اکتوبر کی صبح تقریباً 9 بجے درگ ریلوے اسٹیشن کے پلیٹ فارم نمبر چار پر کھڑی تھی۔ اس دوران ایک نوجوان پلیٹ فارم کے فٹ اوور برج کے ذریعے چھتیس گڑھ ایکسپریس کی بوگی پر چڑھ گیا۔ وہاں موجود لوگوں نے اسے نیچے اترنے کو کہا لیکن نوجوان نے کسی کی بات نہیں سنی۔ اطلاع ملتے ہی جی آر پی اور آر پی ایف پولیس بھی وہاں پہنچ گئی۔ نوجوان کو نیچے اترنے کو کہا۔ اس سے پہلے آر پی ایف اور جی آر پی کسی طرح نوجوان کو بوگی سے بحفاظت نیچے اتارتے، نوجوان نے بوگی کے اوپر سے گزرنے والی او ایچ ای لائن کو پکڑ لیا۔ او ایچ ای تار کو پکڑتے ہی تیز دھماکہ اور پلک جھپکتے ہی نوجوان نیچے گرا۔ زخمی نوجوان کو جی آر پی پولیس ضلع ہسپتال لے گئے۔ یہاں اس کی سنگین حالت کے پیش نظر ڈاکٹروں نے اسے رائے پور ریفر کر دیا۔ نوجوان کا علاج رائے پور کے میکاہارا میں کیا جا رہا ہے۔ زخمی نوجوان کا نام روی جانجگیر چمپا کا رہنے والا بتایا جارہا ہے۔ جو پنجاب میں مزدوری کرتا ہے۔ نوجوان دیوالی منانے چھتیس گڑھ ایکسپریس سے اپنے گھر جا رہا تھا۔ لیکن گھر پہنچنے سے پہلے ہی درگ اسٹیشن میں بوگی پر چڑھ گیا اور او ایچ ای تار سے ٹکرانے کے بعد شدید زخمی ہوگیا۔