حیدرآباد: ماہرین کے مطابق وٹامن ڈی کی کمی کئی بیماریوں کا سبب بن سکتی ہے۔ اس کے ساتھ ہی ایک تحقیق میں یہ بات بھی سامنے آئی ہے کہ وٹامن ڈی کی کمی کی وجہ سے لوگوں میں الزائمر ڈیمنشیا جیسے بیماریوں کا خطرہ بڑھا ہے۔ یہ تحقیق جرمنی میں 1,334 افراد پر کی گئی۔ جس میں یہ بات سامنے آئی کہ وٹامن ڈی کی کمی سے ڈیمنشیا کے معاملے میں مزید اضافہ ہوا ہے۔ اس تحقیق میں حصہ لینے والوں کی اوسط عمر 84 سال تھی۔ جرمنی میں کی جانے والی اس تحقیق میں جن لوگوں کو شامل کیا گیا تھا ان کو محقین نے کئی سالوں فالو کیا تھا۔ جس کے بعد محققین نے پایا کہ تحقیق میں شامل لوگوں میں سے 250 کو الزائمر ڈیمنشیا کی شکایت تھی اور تقریباً 209 افراد الزائمر میں مبتلا پائے گئے۔
اس کے ساتھ ساتھ 41 افراد میں ویسکولر ڈیمنشیا پائے گئے تھے۔ جرمنی میں کی گئی اس تحقیق میں یہ بات بھی سامنے آئی کہ وٹامن ڈی کی کمی کا مکمل تعلق ڈیمنشیا کی بیماری سے ہے۔ وٹامن ڈی کی کمی کی وجہ سے معمر افراد میں ڈیمنشیا کا خطرہ زیادہ ہوتا ہے۔ تحقیق میں اس بات کا بھی انکشاف ہوا کہ ڈیمنشیا کی علامات دوسروں کے مقابلے میں 25 نینومول فی لیٹر سے کم وٹامن ڈی والے لوگوں میں زیادہ دیکھی گئی۔ دوسری جانب جن لوگوں میں وٹامن ڈی کی کمی نہیں تھی ان میں بڑھتی عمر کے ساتھ الزائمر اور ڈیمنشیا کا خطرہ کم تھا۔
اس تحقیق میں یہ بات واضح ہوئی کہ وٹامن ڈی دماغ کے لیے ضروری ہے، وٹامن ڈی صحت کے لیے فائدہ مند ہوتا ہے۔ یہ آکسیڈیٹیو تناؤ کو کم کرتا ہے۔ آکسیڈیٹیو تناؤ کا خطرہ آلودگی اور کیڑے مار ادویات جیسے نقصان دہ کیمیکلز سے بڑھتا ہے۔ اس کے ساتھ سگریٹ نوشی اور جنک فوڈ کی زیادہ استعمال سے بھی اس کا خطرہ بڑھتا ہے۔ جو الزائمر کے مرض کو بڑھانے میں اہم کردار ادا کر سکتا ہے۔ وٹامن ڈی دماغ کو درست رکھنے میں اہم کردار ادا کرتا ہے۔ اس کے ساتھ یہ جسم کی ہڈیوں کو بھی مضبوط کرتا ہے۔
مزید پڑھیں:
ماہرین کے مطابق بھارت کا موسم زیادہ تر گرم اور دھوپ والا ہوتا ہے۔ اس کے باوجود 76 فیصد بھارتیوں میں وٹامن ڈی کی کمی پائی جاتی ہے۔ اس کے پیچھے بہت سی دیگر وجوہات بھی ہوسکتے ہیں جن میں صحیح خوراک نہ لینا، گھر کے اندر رہنا، دھوپ میں نکلتے وقت جلد کا سیاہ ہونے سے بچنے کے لیے ہاتھوں اور چہرے کو مکمل طور پر ڈھانپنا اور آلودگی شامل ہیں۔ ماہرین کے مطابق روزانہ 30 منٹ دھوپ میں رہنے سے آپ پورے دن کے لیے کافی وٹامن ڈی حاصل کرسکتے ہیں۔
