رفیوجی کیمپوں کے باشندوں کے نام پر زمین الاٹ منٹ کا فیصلہ

کولکاتا:مغربی بنگال کے وزیر برقیات اروپ بسواس نے اس فیصلے کی اطلاع دیتے ہوئے کہا کہ رفیوجی کیمپ کے صد فیصدباشندوں کو زمین لیز پر دیدی گئی ہے۔ ریاست کے آبی وسائل کے وزیر مانس بھوئیاں نے کہا کہ بایاں محاذ نے صرف ہمدردی کا اظہار کرتی تھی مگر وزیر اعلیٰ ممتا بنرجی نے اس کا حل نکال دیا ہے۔

1947 میں تقسیم کے بعدمشرقی پاکستان (بنگلہ دیش سے )بڑی تعداد میں مہاجرین بھارت آئے۔ حکومت نے انہیں مختلف اضلاع میں رہنے کے لیے زمین فراہم کی۔ اس زمین پر ایک بستی بنائی گئی ہے۔ ان کورفیوجی کالونیا کہا جاتا ہے، ان کالونیوں کی شناخت ہمیشہ باقی ضلع یا شہر سے الگ کی گئی ہے۔کہا جاتا ہے کہ ان کالونیوں کو مقامی آبادی سے دور بنایا گیا۔اب ممتا بنرجی نے کالونیوں میں رہنے والوں کے نام پر زمین الاٹ کرنے کافیصلہ کیا ہے۔

ریاستی وزیر اروپ بسوانس نے کہاکہ پناہ گزین کالونی کے لوگ، جو طویل عرصے سے جدوجہد کر رہے ہیںان کے نام پر زمین الاٹ منٹ کرنے کا فیصلہ کیا گیا ہے اور یہ ان کا مستقل پتہ ہوگیا ہے۔

حکومت نے شمالی اور جنوبی 24 پرگنہ، ہوڑہ، ہگلی سمیت تمام سرحدی اضلاع میں بے گھر لوگوں کے لیے رہائش فراہم کی تھی۔ تاہم انہیں مستقل طور پر یہ جگہ فراہم نہیں کی گئی تھی ۔مہاجرین نے اپریل 1953 میں مستقل پتہ کا مطالبہ کرتے ہوئے تحریک چلائی تھی ۔1954 کے ایک حکومتی فیصلے نے پناہ گزین کالونی کے مختلف علاقوں کے مستقل وجود کو یقینی بنایا گیا۔ اس وعدے کو پورا کرنے میں کئی سال لگ گئے۔ کالونی میں رہنے والے زیادہ تر لوگوں کی شکایت ہے کہ اتنے سال گزر جانے کے باوجود یہ مکانات ان کے نام پر مستقل نہیں کیا جارہا ہے۔ جمعرات کو اروپ بسواس نے کہا کہ حکومت کے مطابق 99 فیصد افراد کوزمین لیز پردی گئی ہیں۔ بقیہ ایک فیصد کوبھی جلد الاٹ کر دیا جائے گا۔ انہوں نے کہا کہ جن کے نام پر زمین الاٹ منٹ نہیں کیا گیا ہے وہ اپنے خاندانی مسائل میں الجھے ہوئے ہیں ۔

ریاستی وزیر مانس بھوئیاں نے سابقہ بائیں محاذ کی تنقید کرتے ہوئے کہا کہ بائیں محاذ حکومت نے صرف ہمدری کا مظاہرہ کیا کہ مگر ان رفیوجیوں کے مسائل کو حل کرنے کی سمت میں کوئی کارروائی نہیں کی ۔اب حکومت نے ان کے نام پر زمین الاٹ کردیا ہے اور اس کے بعد امید ہے کہ ان کالونیوں کی حالت بہتر ہوگی ۔یو این آئی