کولکاتا: مغربی بنگال کے ضلع مدنی پور کے 16 نمبر قومی شاہراہ پر کولکاتا سے اڈیشہ کے پرا دیپ جانے رہی ایک اے سی بس میں آگ لگنے کے واقعے میں ایک شخص کی موت ہوگئی جبکہ دیگر 30 مسافر زخمی ہوگئے۔ اس واقعے کے بعد قومی شاہراہ پر چند گننٹوں کے لئے گاڑیوں کی آمدورفت ٹھپ پڑ گئی۔
ذرائع کے مطابق اے سی بس تقریبا 50 مسافروں کو لے کر کولکاتا سے اڈیشہ کے پارا دیب جا رہی تھی اسی درمیان مغربی بنگال کے ضلع مدنی پور کے 16 نمبر قومی شاہراہ پر بس میں اچانک آگ لگ گئی۔بس میں آگ لگنے سے افراتفری مچ گئی۔
مسافروں نے بس کی کھڑکیاں توڑ باہر نکلنے کی کوشش میں زخمی ہوگئے۔اس دوران ایک مسافر کو شدید جھلسی ہوئی حالت میں ہسپتال میں داخل کرایا گیا جہاں اس کی موت ہوگئی۔زخمیوں کو نزدیکی ہسپتال میں داخل کرایا جہاں دو افراد کو شدید چوٹیں آئیں ہیں۔
یہ بھی پڑھیں:Fire in Howrah ہاوڑہ میں جوٹ مل کے گودام میں بھیانک آتشزدگی
فائر بریگیڈ دو انجنوں نے جائے وقوع پر پہنچ کر ایک گھنٹے کی مشقت کے بعد آگ پر قابو پالیا۔پولیس نے جائے وقوع پر پہنچ کر حالات کا جائزہ لیا۔پولیس نے کہاکہ حالات کو جلد ہی قابو پالیا گیا ہے۔پورے معاملے کی تفتیش کی جا رہی ہے ۔اس معاملے میں لوگوں سے پوچھ گچھ کی جارہی ہے۔
