کولکاتا:مغربی بنگال کے دارالحکومت کولکاتا میں واقع رابندر سدن میں کلاسی گکلوکار استاد راشد خان کا جسد خاکی کو سرکاری اعزاز کے لئے لایا گیا۔وہاں ان کے شیدائیوں اور فنکاروں نے خراج عقیدت پیش کیا ۔فنکار اجے چکرورتی، کوشک چکرورتی، دیو جیوتی باسو، ہیمنتی شکلا، اوشا اتھپ،ریاستی وزیر اروپ بسواس، فرہاد حکیم، اندرنیل سین، راج چکرورتی، شتروپ گھوش جیسی نامور شخصیات نے خراج عقیدت پیش کیا اس موقع پر راشد خان کی اہلیہ اور اہل خانہ موجود تھے۔
تقریباً ساڑھے بارہ بجے وزیر اعلیٰ ممتا بنرجی رابندر سدن پہنچیں۔ ان کی آمد کے بعد دوپہر ایک بجے کے قریب گانے کی سلامی دی گئی۔ آخر میں سب کی جانب سے خراج عقیدت پیش کرنے کے بعد راشد خان کی میت دوبارہ نکتلہ کے گھر لے جائی گئی۔
ملک کے بڑے کلاسیکی فنکاروں میں سے ایک راشد خان کو بھارت کا مستقبل کہا جاتا تھا۔گلوکار طویل عرصے سے پروسٹیٹ کینسر میں مبتلا تھے۔ وہ گزشتہ کئی دنوں سے شدید بیمار تھے اور اسپتال میں داخل تھے۔ منگل کو ان کی حالت مزید خراب ہوگئی تھی۔ ان کے انتقال کو بھارت کی موسیقی کیلئے بڑا نقصان سمجھاجاتا ہے۔
یہ بھی پڑھبیں:عالمی شہرت یافتہ موسیقار راشد خان انتقال کر گئے
انہوں نے بالی ووڈ کے کئی مشہور گانے بھی دیے۔ فلم 'جب وی میٹ' کا گانا 'آوگے جب تم او سجنا' نے انہیں نئی نسلوں کے قریب لایا جو ہندوستانی کلاسیکی موسیقی سے واقف نہیں تھیں۔
یو این آئی
