مغربی بنگال کے دارالحکومت کولکاتامیں واقع محمڈن اسپورٹنگ کلب نے اپنے پریس ریلیز میں کہاکہ فٹبالر صمد علی ملک کے پاوں کی سرجری کامیاب ہوئی ہے۔وہ چند ہفتوں کے اندر اندر کھیل کے میدان میں دوبارہ واپس آ جائیں گے۔Mohammedan Sporting Footballer Samad Ali Malik successful surgery
انہوں نے کہاکہ صمد علی ملک میچ کے دوران زخمی ہو گئے تھے ۔ان کے گھٹنے میں چوٹ لگ گئی تھی۔چوٹ کی وجہ سے کئی دنوں تک میدان سے باہر رہے۔ایم آئی آر میں اس کی تصدیق کے بعد سرجری کافیصلہ کیا گیا۔
دارالحکومت کولکاتا کے ایک پرائیوٹ ہسپتال میں صمد علی ملک کے پاوں کی کامیاب سرجری ہوئی۔ڈاکٹروں نے سرجری کوکامیاب قرار دیا ہے۔وہ پوری طرح سے صحیح سلامت اور صحتیاب ہیں۔ محمڈن اسپورٹنگ کلب انتظامیہ کے مطابق فٹبالرصمد علی ملک چند ہفتوں کے اندر اندر کھیل کے میدان میں دوبارہ واپس آ جائیں گے۔امید ہے کہ وہ جلد ہی پہلے کی طرح پوری طاقت کے ساتھ میدان میں اتریں گے اور ٹیم کی جیت میں اہم رول ادا کریں گے۔
یہ بھی پڑھیں:Nigeria's Abiola Dauda بھارت کی سرزمین پرابوالا داودا کامیاب ہوں گے؟
واضح رہے کہ محمڈن اسپورٹنگ اس وقت ڈورنڈ کپ 2022 کے کوارٹر فائنل میں ہے۔9 ستمبر کومحمڈن اسپورٹنگ کاآئی ایس ایل کی ٹیم کیرالہ بلاسٹرس سے کوارٹرفائنل مقابلہ ہوگا۔محمڈن اسپورٹنگ کوارٹرفائنل میں توقع کے مطابق کھیل کامظاہرہ کرنے کے لئے پختہ تیاریوں میں مصروف ہے۔ محمڈن اسپورٹنگ کی ٹیم رواں ڈورنڈ کپ میں اپنے گروپ اے میں غیرمفتوح رہی ہے۔چار میچوں میں تین جیت اور ایک ڈر کی بد ولت 10 پوائنٹ کے ساتھ ناک آوٹ راونڈ میں کوالیفا ئی کرنے میں کامیاب رہی ۔
