ریاست مغربی بنگال کے شمالی 24 پرگنہ کے گیارولیا ٹاؤن میں کانگریس اور لفٹ فرنٹ کے حامیوں نے مختلف مطالبات کو لے کر گیارولیا میونسپلٹی کے سامنے احتجاج کیا۔
اس ضمن میں اے آئی سی سی کے رکن اشوک بھٹاچاریہ نے کہا کہ گیارولیا سمیت پورے بیرکپور پارلیمانی حلقے میں عام لوگ بنیادی سہولیات سے محروم ہیں۔
انہوں نے کہا کہ اس کی ذمہ دار کون ہے، اس کا جواب نوجون دے گا، کسی سے سوال کرنے پر ہر ذمہ دار معقول جواب دینے سے کتراتا ہے۔
کانگریس کے رہنما کا کہنا ہے کہ ہم چاہتے ہیں کہ گیارولیا میونسپل انتظامیہ عوام کو زیادہ سے زیادہ بنیادی سہولیات فراہم کرے۔ اس سے زیادہ کچھ نہیں چاہتے ہیں۔
انہوں نے کہا کہ عوام کو سب کچھ معلوم ہے، گنگا ایکشن پلان کے لئے آنے والی رقم کہاں گئی، عنقریب عوام انتظامیہ سے سوال کریں گے۔
دوسری طرف پردیش کانگریس کے ہیومن رائٹس سیل کے ریاستی جنرل سیکرٹری پرمود نے کہا کہ اسمبلی انتخابات کے لئے کانگریس اور لفٹ فرنٹ کے درمیان بات چیت درست سمت میں گامزن ہے۔
انہوں نے کہا کہ کانگریس اور لفٹ فرنٹ اتحاد ترنمول کانگریس اور بی جے پی کو شکست دےگا، عوام کو ایک مضبوط اور متوازن متبادل مل چکا ہے۔
یہ بھی پڑھیں: ممتا حکومت بی جے پی کے نقش قدم پر گامزن
