ریاست اتراکھنڈ میں کاشی پور کی رہائشی سائرہ بانو نے آج بھارتیہ جنتا پارٹی میں شمولیت اختیار کر لی۔ سائرہ بانو کو بی جے پی کے ریاستی صدر بنیشی دھر بھگت نے پارٹی کی رکنیت دلائی ۔
معلومات کے مطابق سائرہ بانو نے تین طلاق قانون کے نفاذ میں اپنا اہم کردار ادا کیا تھا جس کے بعد سے وہ مسلسل بی جے پی رہنماؤں کے رابطے میں تھیں اور اب انہوں نے بی جے پی میں شمولیت اختیار کر لی ہے۔
ای ٹی وی بھارت سے گفتگو کرتے ہوئے سائرہ بانو نے کہا کہ 'اقلیتی برادری کے لئے بی جے پی کی پالیسیوں کو مدنظر رکھتے ہوئے، انہوں نے پارٹی کی رکنیت اختیار کی ہے۔'
انہوں نے کہا کہ 'تین طلاق کے معاملے پر بی جے پی نے جو قانون نافذ کیا ہے۔ یہ قابل تحسین ہے جبکہ اقلیتی برادری میں دوسری پارٹیوں کا مقصد صرف غلط فہمی پیدا کرنا ہے۔'
سائرہ بانو نے یہ بھی کہا کہ وہ خواتین کی ترقی اور معاشرتی ترقی کے لئے کام کریں گی۔
