ریاست اترپردیش کے ضلع مظفر نگر کے محلہ کھالاپار میں جانور کی پٹائی کا معاملہ سامنے آیا ہے جس کا ویڈیو سوشل میڈیا پر بھی وائرل ہو رہا ہے۔ پولیس معاملے کی تفتیش شروع کر دی ہے۔
واضح رہے کہ یہ وائرل ویڈیو مظفر نگر کے محلہ کھالاپار میں واقع 40 فٹ روڈ کا بتایا جا رہا ہے۔ ویڈیو میں آپ دیکھ سکتے ہیں ایک جانور کو کس طرح کچھ لوگ ہاکی اور جھاڑو سے مار رہے ہیں۔
آپ کو بتا دیں کہ امن کمیٹی کے اجلاس میں مسلم رہنما اور ضلع انتظامیہ کی جانب سے اس بات پر زور دیا گیا تھا کہ قربانی کے جانوروں کی ویڈیو سوشل میڈیا پر وائرل نہیں کی جائے تاکہ ماحول خراب نہیں ہوں لیکن یہ ویڈیو علاقے میں شدید وائرل ہو رہی ہے اور بحث کا موضوع بنی ہوئی ہے وہیں پولیس اب اس وائرل ویڈیو کی تفتیش میں جٹ گئی ہے۔
یہ بھی پڑھیں: مہاراشٹر: خاتون کی توکتے طوفان سے بچنے کی ویڈیو وائرل
مظفرنگر ایس پی سٹی نے بتایا کہ 'جانور کی پٹائی کا ایک ویڈیو سامنے آیا ہے جس کی تفتیش کی جا رہی ہے اور جو بھی اس میں ملوث ہوں گے ان کے خلاف سخت کارروائی کی جائے گی اور ان پر مقدمہ درج کیا جائے گا۔'
