کانپور: ریاست اتر پردیش اردو اکاڈمی کی جانب سے آزادی کے امرت مہتسو کے موقع پر کانپور کے پدم ٹاور سول لائن میں آل انڈیا مشاعرے کا انعقاد کیا گیا۔ اس مشاعرے کی خصوصیت یہ رہی کہ اس میں ادبی فکر کے شاعروں نے شرکت کی۔ اس بار لداخ کے شاعر نے بھی شرکت کی۔ انہوں نے اپنا کلام 'اردو ادب کا پہاڑوں پر ہو رہا بول بالا' پیش کیا۔
نظامت واصف فاروقی کر رہے تھے جب کہ صدارت شاعر اسلم محمود کر رہے تھے۔ وہیں اسٹیج پر جوہر کانپوری بھی نئے نئے اشعار سن کر لوگوں کو خوب داد دے رہے تھے اور حوصلہ افزائی کر رہے تھے۔ اس محفل میں ادب کا حامی کانپور کا بڑا ادبی حلقہ شریک رہا۔ لداخ سے آئے شاعر جگمیت نور بو خیال لداخی نے اردو ادب پر اپنی باکمال شاعری سے لوگوں کی خوب داد و تحسین حاصل کی،
یہ بھی پڑھیں:Absence of Verse from AMU Logo اے ایم یو لوگو سے آیت اور مہر میں اردو کی غیر موجودگی
انہوں نے یہ بھی بتایا کہ پہاڑوں پر بھی اب اردو ادب کے شائقین پیدا ہو رہے ہیں اور اردو ادب میں دلچسپی لے رہے ہیں۔ اردو ادب کے شائقین آج بھی اسی جوس و خروش کے ساتھ موجود ہیں، لیکن مشاعرے اس قدر مہنگے ہوتے جا رہے ہیں کہ ادبی حلقوں کے لیے اب اس کا انعقاد کرنا مشکل ہوتا جا رہا ہے۔
