لکھنؤ: مہنگائی اور بے روزگاری کے مسئلہ کو لے کر اپوزیشن پارٹیوں کے الزامات کی پرواہ کیے بغیر اتر پردیش کی یوگی حکومت اقلیتی اکثریتی علاقوں میں روزگار میلے منعقد کرنے کی تیاری کر رہی ہے۔ UP Govt will organize Job Fairs
ریاست کے وزیر مملکت برائے اقلیتی بہبود دانش آزاد انصاری نے اس سلسلے میں محکمہ روزگار کے ایڈیشنل چیف سکریٹری کو خط لکھا ہے۔ انہوں نے کہا کہ حکومت نوجوانوں کی حوصلہ افزائی کے لیے مختلف اسکیمیں چلا رہی ہے اور اسی سلسلے میں روزگار میلوں کا انعقاد کیا جاتا ہے۔
انہوں نے ایڈیشنل چیف سکریٹری کو ہدایت دی کہ وہ 6 ستمبر کو اپنے دفتر میں متعلقہ محکمہ کے افسران کی میٹنگ کا اہتمام کریں تاکہ مسلم اکثریتی علاقوں میں روزگار میلہ کا انعقاد کیا جاسکے۔ انصاری نے کہا کہ یوگی حکومت اقلیتی برادری کے فروغ کے لیے پوری ایمانداری سے کام کر رہی ہے اور نوجوانوں کو اچھی تعلیم، بہتر روزگار یوگی حکومت کی اولین ترجیح ہے اور ہم حکومت کی مختلف اسکیموں کے ذریعے اقلیتی سماج کے فروغ کو یقینی بنا رہے ہیں۔
یو این آئی
