کانپور، اترپردیش کے ضلع کانپور کی ایک خصوصی عدالت نے آگزنی کے ایک معاملے میں سماج وادی پارٹی(ایس پی)ایم ایل اے عرفان سولنکی اور ان کے بھائی رضوان سولنکی سمیت پانچ کے خلاف الزامات طئے کردئیے ہیں۔
ایم پی۔ایم ایل اے کورٹ کے اسپیشل جج ستیندر ناتھ ترپاٹھی نے پیر کو ویڈیو کانفرنسنگ کے ذریعہ ایس پی ایم ایل اے عرفان سولنکی، ان کے بھائی رضوان سولنکی سمیت پانچ ملزمین پر آگزنی کے الزام میں درج مقدمے میں الزامات طئے کردئیے ہیں۔ ایس پی ایم ایل اے عرفان سولنکی کا یہ پہلا مقدمہ ہے۔ جس میں عدالت نے الزام طے کئے ہیں۔
ایم پی۔ ایم ایل اے عدالت کے خصوصی جج ستیندر ناتھ ترپاٹھی نے ایس پی ایم ایل اے عرفان سولنکی، رضوان سولنکی، شوکت علی، اسرائیل، محمد شریف پر آئی پی سی کی دفعات 147،436/149،506،327/149،427،149،386/149،504،120بی کے تحت الزام طئے کئے ہیں۔ معاملے کی اگلی سماعت سے ایم پی۔ ایم ایل اے کورٹ میں مقدمے کی سماعت تیزی کے ساتھ ہوگی۔
قابل ذکر ہے کہ جاجمئو کی ڈیفنس کالونی کی رہنے والی نظیر فاطمہ نے سات نومبر کو ایم ایل اے عرفان سولنکی و ان کے بھائی رضوان سولنکی کے خلاف مقدمہ درج کرایا تھا۔ پولیس نے ایک مہینے کے اندر عرفان کے خلاف ایک کے بعد ایک گینگسٹر ایکٹ سمیت آٹھ مقدمے درج کئے تھے۔ اس میں دو میں چارج شیٹ داخل کی جاچکی ہے جبکہ چھ معاملوں میں چارج شیٹ آخری مرحلے میں ہے۔ پولیس 10فروری تک ان معاملات میں بھی چارج شیٹ داخل کرے گی۔
مزید پڑھیں:MLA Irfan Solanki Case ایم ایل اے عرفان سولنکی پر مزید تین نئے مقدمے درج
یواین آئی
