رائے بریلی: منگل کی صبح گروبخش گنج تھانہ علاقے کے کھگیا کھیڑا گاؤں کے نزدیک بندہ بہرائچ قومی شاہراہ پر سڑک کے کنارے چائے کی دوکان پرموجود آٹھ لوگوں کو ڈمپر گاڑی نے ٹکر ماردی۔ اس حادثے میں تین افراد موقعے پر ہی جاں بحق ہوگئے اور پانچ افراد شدید زخمی ہوگئے۔ اطلاع پر پہنچی پولیس نے زخمیوں کو علاج کے لیے سی ایچ سی بھیج دیا۔ گاؤں کے سابق سربراہ تلک سنگھ نے بتایا کہ گاؤں کے کچھ لوگ چائے کی دکان پر چائے پی رہے تھے۔ اسی دوران ایک ڈمپر اچانک دکان میں گھس گئی جس سے تین افراد جاں بحق اور پانچ زخمی ہو گئے۔ ڈمپر ڈرائیور کو پولیس نے اپنے حراست میں لے لیا ہے۔ کانپور کے رہنے والے ڈرائیور سنیل نے بتایا کہ دھند کی وجہ سے کچھ دکھائی نہیں دے رہا تھا اور یہ حادثہ پیش آیا۔
مزید پڑھیں:Hardoi Road Accidents ہردوئی میں سڑک حادثات میں 3 کی موت، ایک زخمی
