سنبھل: جوں جوں ایودھیا میں رام مندر کے افتتاح کی تاریخ قریب آ رہی ہے توں توں اس سلسلے میں بیان بازی تیز ہوتی جا رہی ہے۔ اسی درمیان بے باک بیانات کی وجہ سے سرخیوں میں رہنے والے سماجوادی پارٹی کے رکن پارلیمان شفیق الرحمن برق رام مندر کے افتتاح اور بابری مسجد پر دیے گئے بیان پر ہنگامہ کھڑا ہو گیا ہے۔ رکن پارلیمان شفیق الرحمن برق نے کہا کہ جس دن رام مندر کا افتتاح ہوگیا، اسی گھڑی سے بابری مسجد کو دوبارہ تعمیر کرانے کی جدوجہد کی شروعات کروں گا۔ ان کے اس بیان سے سیاسی حلقوں میں ہنگامہ کھڑا ہوگیا۔ انہوں نے کہا کہ وہ اس تقریب میں بالکل نہیں جائیں گے۔ انہوں نے کہا کہ جس دن مندر کا افتتاح ہوگا، اس دن وہ اللہ سے بابری مسجد کو واپس حاصل کرنے کی دعا کریں گے۔
یہ بھی پڑھیں: میرٹھ کے اسماعیل گرلز ڈگری کالج میں اردو خطاطی پر ورکشاپ کا اہتمام
سماج وادی پارٹی کے رکن پارلیمان نے کہا کہ دنیا میں تمام مذاہب کے لوگ آباد ہیں لیکن آج تک ایسا کام نہیں ہوا کہ کسی عبادت گاہ کو منہدم کرکے اس کی جگہ مسجد یا مندر بنائی گئی ہوگی۔ یہ انسانیت کی روایت کے خلاف ہے۔ یہ مذہب اور آئین کے بھی خلاف ہے۔ انہوں نے کہا کہ مسجد کو طاقت کے بل پر تباہ کیا گیا ہے۔ شفیق الرحمن برک نے کہا کہ سب نے مل کر میری مسجد کو تباہ کیا۔ ہماری مسجد کو طاقت کے زور پر شہید کیا گیا اور اب اس پر مندر بنایا جا رہا ہے۔ عدالت کا فیصلہ ہماری توقعات کے خلاف تھا۔ میں دعا کروں گا کہ ہمیں ہماری بابری مسجد واپس مل جائے۔
