اتر پردیش کے شہر سہارنپور کے ایس ایس پی کے ذریعہ چوروں کی گرفتاری کے لیے جاری مہم کے تحت ایس پی سٹی اور سی او فرسٹ کی قیادت میں شہر کوتوالی پولیس کے ذریعہ روزانہ چیکنگ کی جارہی ہے جس کے تحت چیکنگ کے دوران گاڑی چوری کرنے والی گینگ کے ساتھ ملزمین کو گرفتار کیا گیا۔
گرفتار ملز مان کے قبضے سے چوری شدہ 12 موٹر سائیکلیں اور اس گاڑیوں کے دیگر پارٹس بھی برآمد ہوئے ہیں۔
گرفتار شدہ چور ریاست اتراکھنڈ کے ہری دوار اور رورکی کے رہنے والے ہیں۔
یہ چور سہارنپور کے الگ الگ مقامات سے موٹر سائیکلیں چوری کرکے اتراکھنڈ میں فروخت کرتے تھے۔
اس سلسلے میں ایس پی سٹی ونت بھٹناگر نے بتایا کہ روز مرہ کی طرح چیکنگ کے دوران پولیس نے چور گینگ کے سات نوجوانوں کو گرفتار کیا ہے۔
یہ سبھی افراد سہارنپور کے ضلع ہسپتال کے آس پاس کے علاقوں سے موٹر سائیکلیں چوری کرکے انہیں دوسری ریاستوں میں فروخت کرنے کا کام کرتے تھے۔
انہوں نے بتایا کہ ان میں سے راجہ نام کا شخص اس گینگ کا سرغنہ ہے اور وہ پہلے بھی اس طرح چوری کی واردات کو انجام دے چکا ہے اور اس کے خلاف مختلف پولیس اسٹیشنز میں مقدمات درج ہیں۔
پولیس سبھی ملزمین کے خلاف مقدمہ درج کرکے آگے کی کارروائی شروع کردی ہے۔
