ریاست اترپردیش کے ضلع بدایوں میں خواتین نے رنگوں کے تہوار ہولی کو گھروں میں رہتے ہوئے بہترین انداز میں منایا، یہاں کی خواتین نے ایک دوسرے کو راہ چلتے مبارکباد پیش کر سماجی یکجہتی کا پیغام پیش کیا۔
دراصل بدایوں میں مسلم خواتین نے ہولی منا رہی ہندو خواتین سے ملاقات کرتے ہوئے انہیں ہولی کی مبارکباد پیش کی۔ وہیں ہندو خواتین نے بھی اپنے ہم وطن مسلم خواتین کیلئے رنگوں کے تہوار ہولی کے موقع پر خوشی اور مبارکباد کا اظہار کیا۔
بتا دیں کہ ضلع کے مختلف علاقوں میں خواتین نے کورونا وائرس کی وجہ سے گھروں پر رہ کر ہی ہولی منائی اور راستے میں جانے والے دیگر افراد کے ساتھ مبارکباد کا تبادلہ کرتے ہوئے رنگ کھیلا۔
یہ بھی پڑھیں: ہولی پر شعراء کا خاص کلام: خوشیوں کا، رنگوں کا تہوار ہے ہولی
آج کے دور میں ملک میں جہاں ایک طرف فرقہ واریت اور مذہب کے نام پر مختلف اختلافات اور تشدد پھیلانے کی کوشش کی جا رہی ہے تو وہیں دوسری جانب ملک کے گاؤں قصبوں اور شہروں کے بہت سے علاقوں میں خواتین ایک دوسرے کے ساتھ سماج میں رہتے ہوئے ایک دوسرے کے تہواروں پر مبارک باد اور یکجہتی کا ثبوت پیش کر رہی ہیں۔
