بہوجن سماج پارٹی یعنی بی ایس پی کی قومی صدر مایاوتی کے اعلان کے بعد کہ بہوجن سماج پارٹی 2024 میں کسی سے کوئی اتحاد نہیں کریگی بلہ پارٹی تنہا مقامبلہ کریگی۔ مایاوتی کےاس اعلان کے بعد سنبھل سے سماج وادی پارٹی کے رکن پارلیمان شفیق الرحمن برق مایاوتی کے حق میں بولتے نظر آئے۔
انہوں نے کہا ہے کہ مایاوتی نے اپنے طبقہ کے لیے کام کیا ہے۔ وہ ایک عظیم شخصیت کی مالک ہیں، سیاست میں ان کی منفرد شناخت ہے، بہوجن سماج پارٹی کی قومی صدر مایاوتی کی ملک کو بہت ضرورت ہے، مسلمان مایاوتی کے ساتھ ہیں۔ مایاوتی نے اپنی حکومت میں مسلمانوں کے لیے کام کیا۔ڈاکٹر شفیق الرحمن برق اس سے پہلے بھی مایاوتی کی حمایت میں بیان دے چکے ہیں۔اس کے بعد سماج وادی پارٹی کے کارکنوں میں ہلچل کا ماحول ہے۔
سماج وادی پارٹی کے رکن پارلیمنٹ ڈاکٹر شفیق الرحمن برق نے کہا کہ مایاوتی نے ملک کے لیے بہت کام کیا ہے، او بی سی پر ہورہے مظالم روکنے کی ضرورت ہے، انہوں نے مزید کہا کہ 2009 میں انہوں نے بہوجن سماج پارٹی سے ٹکٹ ملنے کے بعد انتخابی مقابلہ کیا تھا اور جیت حاصل کی تھی ۔ سماج وادی پارٹی اس وقت الیکشن ہار گئی۔
اب دیکھنا یہ ہے کہ سماج وادی پارٹی کے سربراہ اکھلیش یادو کو سماج وادی پارٹی میں رہتے ہوئے ڈاکٹر شفیق الرحمان کی جانب سے مایاوتی کی تعریف کو کتنا پسند کرتے ہیں؟ اور شفیق الرحمان کے اس بیان پر اکھلیش یادو کا کیا ردعمل ہوگا، حالانکہ ابھی تک برق کے اس بیان کے بعد سےسماجوادی پارٹی کے کسی بھی رہنما نے رد عمل کا اظہار نہیں کیا ہے ۔
مزید پڑھیں:Shafiqur Rahman Barq Slams BJP حکومت ملک کو تقسیم کرنے کا کام کر رہی ہے، ڈاکٹر شفیق الرحمٰن برق
