میرٹھ: انتظامیہ سے ناراض خاتون کی خودکشی کی کوشش

میرٹھ کے تھانہ کھرکھودا علاقے کے ففونڈا گاؤں میں اس وقت ہنگامہ دیکھنے کو ملا جب گاؤں کی ہی ایک خاتون نے پولیس سسٹم سے ناراض ہوکر خودکشی کرنے کا فیصلہ کیا اور آج اس نے اپنے مکان کا دروازہ بند کرکے خود کو آگ لگانے کی کوشش کی۔

وہیں دوسری جانب گاؤں والوں کا الزام ہے کہ یہ خاتون صرف اپنے ذاتی مفاد کے حصول کے لیے گاؤں والوں پر طرح طرح کے الزامات عائد کرتی ہے۔ یہاں تک کہ وہ معذوروں اور بچوں پر نازیبا الزام لگارہی ہے۔ جس کی وجہ سے پورا گاؤں اب اس خاتون کی حرکت سے پریشان ہے۔

وہیں اس معاملہ کی اطلاع موصول ہونے کے بعد خاتون کے گھر پر پہنچے پولیس کے اعلیٰ افسران نے خاتون کو سمجھاکر اس کی شکایت پر غور کرتے ہوئے پورے معاملے کی جانچ کی بات بھی کہی۔