نوئیڈا کی ایک فیکٹری میں آتشزدگی کے باعث لاکھوں روپئے مالیتی سامان جل کر خاکستر ہوگیا۔ حالانکہ حادثے میں کوئی جانی نقصان نہیں ہوا ہے۔
نوئیڈا کی فیکٹری میں آتشزدگی
تھانہ سیکٹر 20 کے اے بلاک میں واقع فیکٹری میں فلیکسی بورڈ تیار کئے جاتے تھے جہاں شارٹ سرکٹ کے باعث اچانک آگ بھڑک اٹھی۔ واقعے کی اطلاع ملتے ہی فائر بریگیڈ کی چار گاڑیاں موقع پر پہنچ گئیں۔ ایک گھنٹے کی مشقت کے بعد آگ پر قابو پالیا گیا۔
چیف فائر آفیسر ارون کمار کے مطابق اس حادثے میں لاکھوں روپئے مالیتی سامان جل گیا اور اس واقعے میں کسی جانی نقصان کی اطلاع نہیں ہے۔ آگ کی وجہ سے افراتفری کا ماحول تھا۔ فیکٹری میں آتشزدگی کے وقت ملازمین کی کم تعداد موجود تھی۔
