رامپور: عالمی شہرت یافتہ صوفی بزرگ مولانا شاہ ثقلین میاں کی فلاحی تنظیم شاہ ثقلینی اکیڈیمی آف انڈیا کی جانب سے رامپور میں اجتماعی شادیوں کی تقریب منعقد کی جائے گی۔ 17 جولائی کو منعقد ہونے والی اس تقریب میں 15 غریب جوڑوں کو رشتۂ ازدواج سے منسلک کیا جائے گا۔ Saqlaini Academy of Rampur۔ یہ جانکاری ثقلینی اکیڈیمی رامپور یونٹ کے ذمہ داران نے پریس کانفرنس کا انعقاد کرکے دی۔ Mass Marriage Ceremony of Saqlaini Academy
یہ بھی پڑھیں:
- مسلمانوں میں تعلیمی شعور بہت ضروری: شاہ ثقلین میاں
- Chief Minister Collective Marriage Ceremony: وزیر اعلیٰ شادی اسکیم کے تحت اجتماعی شادیوں کی تقریب
اکیڈمی کے ضلع صدر ناصر ثقلینی نے بتایا کہ جشن شاہ شرافت علی میاں کے موقع پر 17 جولائی کو صبح 11 بجے سے شام 4 بجے تک اجتماعی شادیوں کا پروگرام چلے گا۔ انہوں نے کہا کہ اس موقع پر خصوصی طور پر ان کے پیر شاہ ثقلین میاں خود بریلی سے تشریف لائیں گے اور خطاب بھی کریں گے۔ انہوں نے کہا کہ جشن شاہ شرافت اور اجتماعی شادیوں کی تقریب مولانا ثقلین میاں کی سرپرستی میں منعقد کیے جائیں گے۔ پریس کانفرنس میں نوید ثقلینی، شاہ رخ ثقلینی، کوثر ثقلینی، سجاد ثقلینی، غلام نبی ثقلینی اور اکیڈمی کے دیگر عہدیدار و ممبران موجود رہے۔
