مظفر نگر: ریاست اتر پردیش کے ضلع مظفر نگر کے کھٹولی اسمبلی حلقے کے ضمنی انتخابات کے ووٹوں کی گنتی مظفر نگر کے نویں منڈی کے مقام پر کی جائے گی۔ اس سلسلے میں سینئر سپرنٹنڈنٹ آف پولیس ونیت جیسوال، ایس پی سٹی ارپت وجے ورگیہ، ایس پی دیہات اتل کمار سریواستو اور ایس پی کرائم پرشانت کمار پرساد نے ماتحت افسران کو الیکشن کمیشن سے موصولہ رہنما خطوط کے بارے میں آگاہ کیا۔ پولیس اہلکاروں کو بریفنگ دیتے ہوئے ایس ایس پی ونیت جیسوال نے کہا کہ ہر کسی کو اپنی ڈیوٹی بخوبی انجام دینا ہے۔ Khatauli By Poll Eelection Result
ایس ایس سی ونیت جیسوال نے جانکاری دیتے ہوئے کہا کہ پورے نظام کو سیکٹرس میں تقسیم کیا گیا ہے اور ان سب پر سول پولیس کے ساتھ پی اے سی نیم فوجی دستوں کی مناسب تعداد کو تعینات کیا گیا ہے۔ انہوں نے کہا کہ ای وی ایم اسٹرانگ روم میں پہلے سے ہی تین سطحی سکیورٹی کا نظم کیا گیا ہے اور ووٹوں کی گنتی کے دوران نوین منڈی میں روٹ ڈائیورژن بھی کیا جائے گا۔
اور تمام پولیس اہلکار اپنی ڈیوٹی پوری مستعدی سے انجام دیں گے۔ مظفر نگر پولیس افواہیں پھیلانے والوں کے خلاف سخت کارروائی کرے گی۔ انہوں نے کہا کہ ہماری سوشل میڈیا ٹیم سوشل میڈیا پر مسلسل متحرک رہے گی اور اگر انتشار پھیلانے اور ماحول کو خراب کرنے کا کوئی کام کیا گیا تو ایسے لوگوں کو نشان زد کیا جائے گا اور ان کے خلاف سخت قانونی کارروائی عمل میں لائی جائے گی۔ انہوں نے کہا کہ جیت کا جلوس نکالنے پر مکمل پابندی ہے اور اس حوالے سے مختلف سیاسی جماعتوں سے بات کر کے انہیں آگاہ کر دیا گیا ہے۔ Khatauli By Poll Eelection Result
یہ بھی پڑھیں : khatauli By-Election 2022 مظفرنگر اسٹرانگ روم کے باہر ایس پی، اے ایس پی اور راشٹریہ لوک دل کے کارکنان مستعد
