تھانہ صدر بازار میں دو گروپ کے درمیان مار پیٹ

سہارنپور کے تھانہ صدر بازار میں دو گروپ کے درمیان مارپیٹ کا ویڈیو سوشل میڈیا پر وائرل ہو رہا ہے۔

اطلاعات کے مطابق ایک گروپ نے دوسرے گروپ کو مارنے کے لیے باہر سے بدمعاشوں کو بلایا تھا۔ نامعلوم افراد نے شکتی ولد بابو ساکن روی نگر کو لاٹھی ڈنڈوں اور دیگر ہتھیاروں سے پیٹ پیٹ کر زخمی کر دیا۔

مار پیٹ کرنے والے افراد موقع پر موٹرسائیکل چھوڑ کر فرار ہو گئے۔ زخمی شخص نے کوتوالی میں کارروائی کے لیے تحریر دی ہے۔ پولیس نے زخمی کو اسپتال میں داخل کرایا تفتیش شروع کر دی ہے۔

اس سلسلے میں ایس پی سٹی ونت بھٹناگر نے بتایا کہ تھانہ صدر بازار علاقہ میں اوج پورہ روی نگر کا واقعہ ہے۔ جہاں پر دو فریق کے درمیان کسی بات کو لے کر تنازع ہوا۔ اس معاملے میں ایک شخص زخمی ہوا ہے، مقدمہ درج کر لیا گیا ہے، تفتیش کے بعد آگے کی کارروائی کی جائے گی، ملزمان کو گرفتار کر کے جیل بھیجا جائے گا۔