ریاست اترپردیش کے دارالحکومت لکھنؤ میں آل انڈیا محمدن مشن کے بینر تلے سید ایوب اشرف اشرفی کی سرپرستی میں حضرت علی رضی اللہ تعالیٰ عنہ کی یاد میں اجتماعی افطار پارٹی کا اہتمام کیا گیا، افطار کے بعد ایک محفل منعقد کی گئی، جس میں نعت منقبت پڑھی گئی اور تقاریر کی گئیں، مقررین نے اپنے خطاب میں حضرت علی ؓکی سوانح حیات اور آپﷺ کے ساتھ حضرت علیؓ کی نسبت کا ذکر کیا۔ پروگرام کا آغاز قاری صغیر کی تلاوت کلام اللہ سے ہوا اور اختتام مولانا سید طلحہ اشرف کی رقت آمیز دعا پر ہوا۔ Martyrdom Anniversary of Hazrat Ali (A.S) Observed
اس موقع پر اجمیر درگاہ کے نائب صدر سید بابر اشرف نے ای ٹی وی بھارت سے بات چیت میں کہا کہ مولا علیؓ کی یاد میں پروگرام کا اہتمام کیا گیا ہے، آج ہی کی شب مولی علیؓ شیرِ خدا کو ابن ملجم نامی شخص نے حالت سجدہ میں حملہ کرکے شہید کردیا تھا۔ انہوں نے مزید کہا کہ کثیر تعداد میں فرزندان توحید اس پروگرام میں شریک ہوئے اور حضرت علیؓ سیرت کو سنا اور اس پر عمل کرنے کا عزم کیا۔
- مزید پڑھیں:حضرت علیؓ کے یوم شہادت پر نذرانہ عقیدت
انہوں نے مزید کہا کہ حضرت علی رضی اللہ تعالیٰ عنہ نے ہمیشہ ظلم کے خلاف آواز بلند کی ہے، نا انصافی، ظلم و زیادتی استحصال سے کبھی بھی سمجھوتا نہیں کیا، غریب مظلوم بے سہارا یتیم مسکین کی مدد کے لیے ہمیشہ بر سرِ پیکار رہے۔
