رام پور: بی جے پی کے سینئر رہنما اور سابق وزیر مختار عباس نقوی نے کانگریسرہنما اور ایم پی راہل گاندھی کو ’’موالی‘‘ قرار دیا ہے ۔مختار عباس نقوی نے اتر پردیش میں اپنے آبائی ضلع رام پور کے دو روزہ دورے کے دوران یہ تبصرہ کیا۔ ٹور کے دوسرے دن جمعہ کو نقوی نے تاشکا علاقے میں ایک ریسٹورنٹ کا افتتاح کیا۔
تقریب کے بعد میڈیا کے نمائندوں سے خطاب کرتے ہوئے نقوی نے راہل گاندھی پر طنز کیا۔ مختار عباس نقوی کہا کہ جس طرح انہوں نے یعنی راہل گاندھی نے وزیر اعظم نریندر مودی کے بارے میں تبصرہ کیا اس سے لگتا ہے راہل گاندھی ایک "موالی" ہیں۔
راہل گاندھی نے 8 فروری کو پی ایم مودی کو نشانہ بنایا تھا، راہل گاندھی ارب پتی تاجر گوتم اڈانی کے خلاف کارروائی کا مطالبہ کر رہے ہیں، جو امریکہ میں قائم ہندن برگ کی تحقیق کے بعد ان کی کمپنی پر اسٹاک میں ہیرا پھیری اور دھوکہ دہی کا الزام لگانے کے بعد طوفان کی زد میں ہے۔
نقوی نے باگیشور دھام کے سربراہ دھیریندر شاستری کے اس بیان پر سوال کا جواب دیتے ہوئے کہ ہندوستان ایک ہندو راشٹر ہے، مختار عباس نقوی نے کہا کہ ملک بہرحال ایک ہندو راشٹر ہے۔
نقوی نے کہا کہ علامہ اقبال نے کہا تھا کہ ہندی ہماری زبان ہے، ہندوستان ہمارا ملک ہے تو جو ہندوستان کا ہے وہ ہندی ہے اور ہندو ہے۔ انہوں نے یوپی کے وزیر اعلی یوگی آدتیہ ناتھ کو لکھنؤ میں جاری گلوبل انویسٹر سمٹ پر بھی مبارکباد دی،انہوں نے کہا کہ میں وزیر اعلی یوگی آدتیہ ناتھ کو مبارکباد دینا چاہوں گا کہ انہوں نے پورے ملک اور دنیا کے سرمایہ کاروں کو اتر پردیش میں سرمایہ کاری کرنے کی دعوت دی ہے۔
