ریاست اتر پردیش کی علی گڑھ مسلم یونیورسٹی (کامرس شعبہ) میں ٹورازم کے اسکالر سُجود اور نسیم بانو کے تحقیقی مقالہ کو جے ایل یونیورسٹی (بھوپال) میں سیاحت و میزبانی کے موضوع پر منعقدہ بین الاقوامی ویبینار (آئی سی ایچ ٹی -2021) میں انسائٹ ایوارڈ سے نوازا گیا۔
بھوپال کی جے ایل یونیورسٹی میں بین الاقوامی ویبینار کا انعقاد جے ایل یونیورسٹی کے اسکول آف ہاسپیٹلیٹی اینڈ ٹورازم نے کیا تھا۔
اے ایم یو کے مذکورہ بالا ریسرچ اسکالرز نے اپنا مقالہ ورچوئل طریقہ سے پیش کیا۔ اس سیشن کے کوآرڈینیٹر جے ایل یونیورسٹی کے اسسٹنٹ پروفیسر ڈاکٹر اننت کمار ورما تھے، جنہوں نے مقالے کو سراہا۔
پروفیسر ڈاکٹر بی پدما سیشن نے بھی مقالے کے موضوع کو سراہا، جس میں کورونا وائرس کی وبا کے دوران سیاحوں کی سفری ارادوں کا جائزہ لیا گیا تھا۔
یہ بھی پڑھیں: نوئیڈا: ایک اور مسلم شخص ہجومی تشدد کا شکار
ریسرچ اسکالرز کی سپروائزر پروفیسر شیبا حامد نے کہا کہ ویبینار میں پیش ہونے والے مقالوں کا باریکی سے تجزیہ کیا گیا اور جیوری نے اے ایم یو اسکالروں کے مقابلے کو آئی سی ایچ ٹی-2021 انسائٹ ایوارڈ کے لیے منتخب کیا گیا۔
