نوئیڈا: اتر پردیش نوئیڈا پولیس نے مارننگ واک پر نکلے نوجوان سے مبینہ طور پر موبائل چھین کر بھاگنے والے بدمعاش کو زخمی حالت میں گرفتار کرلیا۔ زخمی بدمعاش کو علاج کے لئے سیکٹر-30 میں واقع ضلع اسپتال میں داخل کرایا گیا ہے جہاں پولیس بدمعاش سے پوچھ گچھ کر رہی ہے۔ اس کے خلاف ایک درجن سے زائد مقدمات درج ہیں۔ Alleged Encounter in Noida
پولیس نے ملزم کے قبضے سے تین موبائل فونز اور ایک چوری کی بغیر نمبر کی موٹر سائیکل اور ایک ناجائز اسلحہ برآمد کر لیا ہے۔ یہ انکاؤنٹر نوئیڈا کی فیز 1 کوتوالی پولیس کے ساتھ ہوا۔ ایڈیشنل ڈی سی پی آشوتوش دویدی نے بتایا کہ صبح ایک بدمعاش نے سیکٹر-8 میں چہل قدمی پر نکلے ایک نوجوان سے موبائل فون چھین لیا۔ موبائل چھیننے کے بعد بدمعاش موقع سے فرار ہو گیا۔ متاثرہ نے کنٹرول روم اور ڈائل 112 کو اس معاملے کی اطلاع دی۔ کوتوالی انچارج نے فوری طور پر ایک ٹیم تشکیل دی اور محاصرہ شروع کر دیا۔
یہ بھی پڑھیں:Attack on Police in Sambhal سنبھل میں پولیس ٹیم پر حملہ، چھ گرفتار
پولیس نے سیکٹر 15 کے قریب ایک مشکوک نوجوان کو موٹر سائیکل پر آتے دیکھا تو پولیس ٹیم نے نوجوان کو روکنے کی کوشش کی۔ گرفتاری کے ڈر سے نوجوانوں نے پولیس ٹیم پر فائرنگ کردی۔ پولیس کی جوابی فائرنگ میں شرپسند کی ٹانگ میں گولی لگی۔ملزم کی شناخت جئے کشن عرف روہت کے نام سے ہوئی ہے۔ یہ بہار کا رہنے والا ہے۔ پہلے یہ سیکٹر 8 میں رہتا تھا۔ فی الحال دہلی کے آزاد نگر میں مقیم ہے۔
