علی گڑھ مسلم یونیورسٹی (اے ایم یو) کے بی اے ایل ایل بی کے طالب علم رضا حیدر زیدی نے عظیم سماجی مصلح سر سید احمد خاں کے 204ویں یوم پیدائش کے موقع پر علی گڑھ مسلم یونیورسٹی کے شعبۂ رابطہ عامہ کے زیر اہتمام منعقدہ کل ہند مضمون نویسی مقابلہ میں پہلا انعام حاصل کیا ہے۔ اس انعام کے تحت 25 ہزار روپے نقد دیے گئے۔
اے ایم یو، آل انڈیا مضمون نویسی مقابلہ کے نتائج کا اعلان اے ایم یو شعبۂ رابطہ عامہ کے زیر اہتمام منعقدہ صرف انگریزی زبان میں ہونے والے آل انڈیا مضمون نویسی مقابلہ بعنوان "سرسید بطور بین المذاہب ڈائیلاگ کے نقیب" میں رضا حیدر زیدی نے اول انعام حاصل کیا انہوں نے اس ایوارڈ کے ساتھ 25 ہزار روپے کا نقد انعام جیتا۔ راجب شیخ (بی اے، دار الہدیٰ اسلامک یونیورسٹی، مغربی بنگال) نے پندرہ ہزار روپے کے نقد انعام کے ساتھ دوم انعام اور ابراہیم ہادی (ایم اے، علیگڑھ مسلم یونیورسٹی) نے 10 ہزار روپے پر مشتمل سوم انعام حاصل کیا۔ مختلف ریاستوں کی نمائندگی کرنے والے آٹھ دیگر شرکاء کو پانچ ہزار روپے کی انعامی رقم کے ساتھ اسٹیٹ ٹاپر ایوارڈ دیئے گئے، جب کہ دو ریاستوں کے دو شرکاء کو مشترکہ انعامی رقم کے ساتھ مشترکہ طور پر اسٹیٹ ٹاپر انعام دیا گیا۔ریاستی ٹاپرز میں محمد یاسر جمال قدوائی (بی ایس سی، اے ایم یو)، انربان نندا (پی ایچ ڈی، انڈین انسٹیٹیوٹ آف ٹیکنالوجی ممبئی، مہاراشٹرا)، شرینجے روپ سربدھاری (بی ایس سی، مولانا ابوالکلام آزاد یونیورسٹی آف ٹیکنالوجی مغربی بنگال)، مریم مقصود (پی ایچ ڈی، کشمیر یونیورسٹی آف ایگریکلچر سائنس اینڈ ٹیکنالوجی، جموں و کشمیر) اور شاداب عالم (بی یو ایم ایس، آیورویدک اور یونانی طبیہ کالج، نئی دہلی شامل ہیں۔
دیا آمنہ (بی اے، بی ایس ایم او کالج، کیرلہ) اور محمد عاشر (بی اے، جامعہ، کیرلہ) نے ریاست کیرالہ سے انعام حاصل کیا، جب کہ چنا سامودرم چننا کیساوولو اور مید کورو پوجا (انا مچاریہ کالج آف فارمیسی، راجم پیٹ کے طالب علم نے آندھرا پردیش سے مشترکہ انعام حاصل کیا۔
