ETV Bharat / state

جونپور: مسجد کے نام پر فرضی چندہ لینے والا شخص عوام کی گرفت میں

author img

By

Published : Feb 6, 2021, 5:11 PM IST

چندہ کے بدلے دی جا رہی رسید پر شہر کے محلہ پرانی بازار کی النورین مسجد کی تعمیر کا حوالہ موجود تھا۔ شک ہونے پر لوگوں نے رسید پر دیے گئے نمبر پر رابطہ کیا تو یہ زیر تعمیر مسجد کے مینیجر شمس تبریز کا تھا۔

A person who takes fake donations in the name of mosque is in the hands of the people
مسجد کے نام پر فرضی چندہ لینے والا شخص عوام کی گرفت میں

اترپردیش کے ضلع جونپور میں رام مندر کے نام پر فرضی طریقے سے چندہ وصولنے کا معاملہ ابھی ٹھنڈا بھی نہیں ہوا تھا کہ ایک شخص مسجد کے لئے فرضی چندہ وصول کرتے ہوئے عوام کی گرفت میں آیا۔

مسجد کے نام پر فرضی چندہ لینے والا شخص عوام کی گرفت میں

مسلمانوں کی اکثریتی آبادی والا قصبہ مانی کلاں میں جمعہ کے روز ایک شخص جونپور میں تعمیر ہونے والی ایک مسجد کے لئے چندہ مانگ رہا تھا۔ عظیم الشان مسجد کی تعمیر کے لئے وہ کھلے عام چندہ کی درخواست کررہا تھا۔

وہ شخص اپنی شناخت تبدیل کر کے مسلم علاقوں میں چندہ مانگ کر پیسہ جمع کررہا تھا۔ شک ہونے پر لوگوں نے اسے گرفت میں لے کر سوال و جواب کیا تو حقیقت سامنے آئی، جس کے بعد لوگوں نے اس شخص کی پٹائی بھی کر دی۔ معافی مانگنے کے بعد اس کے سر کا بال منڈوا کر اسے چھوڑ دیا گیا۔ واقعہ تھانہ کھیتا سرائے کے قصبہ مانی کلاں کا ہے۔ وہیں، پولیس اس پورے معاملے سے لا علم رہی۔

چندہ کے بدلے دی جا رہی رسید پر شہر کے محلہ پرانی بازار کی النورین مسجد کی تعمیر کا حوالہ دیا گیا تھا۔ شک ہونے پر لوگوں نے رسید پر دیے گئے نمبر پر رابطہ کیا تو معلوم ہوا کہ یہ نمبر زیر تعمیر مسجد کے مینیجر شمس تبریز کا تھا۔ انہوں نے کسی بھی شخص کو رسید دے کر چندہ وصول کرنے کی بات سے انکار کیا۔ وہیں اطلاع ملنے کے بعد شمس تبریز خود موقع پر پہنچ گئے۔ انہوں نے پکڑے ہوئے شخص کی شناخت کرنے سے انکار کردیا۔

A person who takes fake donations in the name of mosque is in the hands of the people
کسی کو شک نہ ہو اس لئے اس نے اپنا حلیہ مسلمان کی طرح بنا رکھا تھا

سختی سے پوچھ گچھ کے بعد پکڑے گئے شخص نے اپنی شناخت خود ظاہر کی۔ وہ اپنی اصل شناخت چھپا کر چندہ وصول رہا تھا۔ کسی کو شک نہ ہو اس لئے اس نے اپنا حلیہ مسلمان کی طرح بنا رکھا تھا۔ لوگوں نے اس کی پٹائی کی اور اس کے بعد سر کا بال منڈوا کر چھوڑ دیا۔

اس سلسلے میں ایس او پریم کشور سنگھ نے کہا کہ انہیں اس معاملے کا کوئی علم نہیں ہے۔ اس کی تحقیقات کے بعد کارروائی کی جائے گی۔

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.