مقامی سرپنچ مکھن سنگھ کا کہنا ہے کہ 'انہوں نے مذکورہ روڈ کی خستہ حالی کی شکایت کی تھی لیکن کوئی مناسب کارروائی نہیں ہوئی۔'
انہوں نے کہا کہ 'مانتلائی ڈوڈو روڈ کو نالے کے پاس بند کیا گیا ہے اور سڑک پر صرف کیچڑ پڑا ہے جس کی وجہ سے مقامی لوگوں کو کافی مشکلات کا سامنا ہے۔'
انہوں نے کہا کہ 'پی ایم جی ایس وائی محکمہ کی جانب سے سڑک کی تعمیر کا کام کافی سست رفتار سے کرایا جارہا ہے جس کی وجہ سے مقامی لوگ پریشان ہیں۔'
سرپنچ نے کہا کہ 'گزشتہ دنوں کی بارش کی وجہ سے روڈ کی حالت خراب ہوگئی۔ اس سڑک پر گاڑیوں کا چلنا بھی مشکل ہوگیا ہے۔ مزید سڑک کی خستہ حالی کی وجہ سے حادثات کا خطرہ بنا ہوا ہے۔ '
انہوں نے ضلع انتظامیہ اور متعلقہ محکمہ سے مطالبہ کیا کہ سڑک کی تعمیر کے کام کو جلد از جلد پورا کیا جائے'۔