حیدرآباد: زوماٹو کے ایک ڈیلیوری بوائے نے منگل کو حیدرآباد میں آرڈر ڈیلیور کرنے کے لیے گھوڑے کی سواری کی۔ ٹرک ڈرائیوروں کی جانب سے ہٹ اینڈ رن حادثات سے متعلق نئے قانون پر ہڑتال کی وجہ سے پیٹرول اسٹیشنوں پر ایندھن ختم ہوگیا تھا اور پٹرول پمپس پر کافی بھیڑ جمع تھی۔
زوماٹو بیگ پہنے ہوئے ڈیلیوری بوائے کو پرانے شہر کے چنچل گوڑہ علاقہ میں امپیریل ہوٹل کے قریب سڑک پر گھوڑے پر سوار ہوتے دیکھا گیا۔ فوڈ ڈیلیور کرنے کے لیے گھوڑے پر سوار نوجوان کی ویڈیو سوشل میڈیا پر خوب شیئر کی گئی۔
جب ڈیلیوری بوائے کی موٹر سائیکل کا پیٹرول ختم ہو گیا تو اس کو انوکھی ترکیب سوجھی اور اس نے گھوڑے کی سواری اختیار کرلی۔ ٹرک، ٹینکرز ڈرائیورز کی ہڑتال کے بعد پٹرول پمپس پر لمبی قطاریں لگ گئی اور اسٹاک ختم ہونے کے بعد پٹرول پمپس بند کردیے گئے تھے۔
مزید پڑھیں: 'کھانے کا کوئی مذہب نہیں ہوتا'
زوماٹو ڈیلیوری بوائے کا گھوڑے کی سواری کے ویڈیو نے لوگوں کو سنہ 2002 میں شدید بارشوں کے دوران ممبئی میں کھانا پہنچانے کے لیے گھوڑے پر سوار ایک سوئگی ڈیلیوری بوائے کی تصویر کی یاد دلائی۔ مہاراشٹر کے ممبئی میں سنہ 2002 میں شدید بارش کے دوران سوئیگی بوائے نے فوڈ ڈیلیور کرنے کے لئے گھوڑے کا استعمال کیا تھا۔ جس کی بھی ویڈیو سوشل میڈیا پر خوب وائرل ہوئی تھی۔
