سرینگر میں مقیم دفاعی ترجمان کرنل عمروں موسوی کی جانب سے جاری کیے گئے بیان میں کہا گیا ہے کہ "اتوار کو سویرے دراس کے نزدیک واقع لموچیں علاقے میں فوج نے ایک تقریب کا انعقاد کیا۔ اس تقریب کے دوران آپریشن وجے کے حوالے سے فوج کی بہادری کی کہانیاں بیان کی گئی۔"
اس میں مزید کہا گیا ہے کہ "کارگل جنگ کے دوران ٹائیگر ہل اور دیگر واقعات پر روشنی ڈالی گئی۔ اس خصوصی تقریب پر کارگل جنگ کے ہیروز اور اُن کے کنبے کے مزید دیگر فوجی اہلکار بھی موجود تھے۔ جنگ کی کہانی سن کر وہاں موجود سامعین کی آنکھیں نم ہو گئی۔"
ترجمان کے مطابق "دن کے آخر میں تقریبات کو کارگل وار میموریل منتقل کیا گیا جہاں ملٹری بینڈ نے اپنا نمونہ پیش کیا۔ جس کے بعد بیٹنگ دی ریٹریت تقریب ہوئی جس کے دوران وہاں موجود افراد نے جنگ کے دوران ہلاک ہوئے فوجیوں کو خاموش خراج تحسین پیش کیا۔ اس موقع پر مزید 559 لیمپ بھی جلائے گئے۔"
President Kovind Visit: رام ناتھ کووند جموں کشمیر اور لداخ کے چار روزہ دورہ پر
"دن کی آخری تقریب میں موسیقار امان چندر نے شام کے موقع پر اپنی موسیقی کی پرفارمنس سے سامعین کا دل جیت لیا۔ اس کے بعد ہلاک فوجیوں کو خراج تحسین پیش کرتے ہوئے فوج کے بینڈ نے پرفارم کیا۔ اور پھر آخر میں کیپٹن وکرم بترا کی بائیوپک، ’شیرشاہ‘ کا ٹریلر بھی ریلیز کیا گیا اور ناردرن کمانڈ کے ذریعہ تیار کردہ ایک نغمہ 'ما تیری قسم' بھی پیش کیا گیا۔"
