سرینگر: جموں وکشمیر میں پچھلے چوبیس گھنٹوں کے دوران 727افراد کی رپورٹ مثبت آئی جبکہ اس دوران دو مریض فوت ہوئے۔ سرکاری ذرائع نے بتایا کہ جمعے کے روز سرینگر ضلع میں 246 افراد کی رپورٹ پازٹیو آئی، بارہمولہ میں 94، بڈگام میں 42، پلوامہ میں آٹھ، کپواڑہ میں 49، اننت ناگ میں 35، بانڈی پورہ 13، گاندربل بارہ ، کولگام 21، شوپیاں میں ایک شخص کورونا وائرس سے متاثر پایا گیا۔Covid 19 in JK
انہوں نے مزید بتایا کہ جموں ضلع میں جمعے کے روز 134افراد کورونا سے متاثر پائے گئے، اُدھم پور میں سات، راجوری میں دس، ڈوڈہ میں نو ، کٹھوعہ میں پانچ ، سانبہ میں بارہ ، کشتواڑ میں گیارہ ، پونچھ میں چھ، رام بن میں تین ، ریاسی میں ایک ،سرکاری ذرائع نے مزید بتایا کہ جمعے کے روز 572 مریض صحت یاب ہوئے۔
دریں اثنا وادی کشمیر میں کورونا کے یومیہ معاملات میں غیر معمولی اضافہ کے بیچ طبی ماہرین نے ایک دفعہ پھر لوگوں کو متنبہ کیا کہ وہ بھیڑ بھاڑ والی جگہوں سے جانے سے گریز کریں۔ڈاکٹروں کے مطابق وائرس کے پھیلاو کو روکنے کی خاطر احتیاطی تدابیر پر عملدرآمد ناگزیر ہے۔اُنہوں نے مزید بتایا کہ شہر سری نگر میں کورونا کے یومیہ کیسز میں اضافے کے باوجود ضلع انتظامیہ کی جانب سے وائرس کے پھیلاو کو روکنے کی خاطر کچھ بھی نہیں کیا جارہا ہے ۔
یہ بھی پڑھیں : Covid Spike in J&K: 'گھبرائیں نہیں، بلکہ کورونا کے رہنما خطوط پر عمل کریں'
