سری نگر کے نور باغ علاقے میں جمعرات کی صبح چند روز قبل غرقاب ہونے والے 17 سالہ طالب علم کی دریائے جہلم سے لاش بر آمد کی گئی۔
پولیس ذرائع نے بتایا کہ سری نگر کے رامپورہ ویر چھتہ بل علاقے سے تعلق رکھنے والا ایک طالب علم 21 مئی کو ایک فٹ برج سے پھسل کر دریائے جہلم میں غرقاب ہوگیا تھا۔
انہوں نے بتایا کہ مذکورہ طالب علم کی لاش کو جمعرات کی صبح گذربل نور باغ علاقے میں دریائے جہلم سے بر آمد کیا گیا۔
متوفی طالب علم کی شناخت مومن احمد ڈار ولد غلام احمد ڈار کے بطور ہوئی ہے۔
ان کہنا تھا کہ لاش کو طبی و قانونی لوازمات کی ادائیگی کے لئے پولیس کے سپرد کیا گیا ہے۔
