جموں و کشمیر میں گزشتہ 24 گھنٹوں کے دوران مزید 126 کورونا کے فعال کیسز درج کئے گئے ہیں۔ ان میں سے 20 جموں اور 106 کشمیر میں پائے گئے۔
جموں و کشمیر میں اب کورونا کیسز کی مجموعی تعداد بڑھ کر 127957 ہو گئی ہے۔
خطہ میں اب تک 124972 افراد کووڈ 19 وبا سے نجات پا چکے ہیں جبکہ 1977 افراد اس وبا سے انتقال کر گئے ہیں۔
گزشتہ چوبیس گھنٹوں میں 90 افراد صحت یاب ہوئے ہیں جن میں 10 جموں اور 80 کا تعلق کشمیر سے ہیں۔
واضح رہے کہ فروری ماہ کے اوائل میں جموں و کشمیر میں کورونا کے فعال کیسز کی تعداد 600 سے بھی کم ہو گئی تھی لیکن اب ان کیسز میں مزید اضافہ دیکھنے کو مل رہا ہے۔ اس وقت یہاں 1008 فعال کیسز ہیں جن میں 235 جموں جبکہ 733 کشمیر میں موجود ہے۔
یہ بھی پڑھیں: مظفر بیگ سے رشتے مزید مضبوط ہوئے: سجاد غنی لون
ملک کی دیگر ریاستوں جن میں مہاراشٹر اور پنجاب قابل ذکر ہے، میں کورونا کے کیسز میں مسلسل اضافہ ہو رہا ہے جس کے نتیجے میں مہاراشٹر کے کئی علاقوں میں دوبارہ لاک ڈاؤن نافذ کیا گیا ہے۔
جموں و کشمیر میں بڑھتے کیسز کی وجہ سے انتظامیہ میں تشویش پائی جا رہی ہے۔
